Popular Bible Verses from Jenesis 17

Deildu

Kate nheva salei nheva finogha gnahi mae Ebram na, LORD ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Gognaro na naiknore kilo nigho iagho mae Ebram, nu funu gognaro te haghe na naiknore ginauna na kilo nigho iagho mae Ebraham, naugna iara neke vahi nigho mala kmadi naikno kmana.” U gaoghathogna “mae Ebraham” teu igne, “Kmadi naikno kmana” eghu ka cheke Hibru na.

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

“Iara na chekeni ka iagho unha nate eni iara ranghi nigho iagho na. Iagho ginauna mala kmadi naikno kmana.

Nu God ne cheke eghu ka mae Ebraham, “Theo, iara theome vahini mae Ismael. Nu khetomu iagho Sera gne ginauna au kaisei thugna nalhaꞌu, eghuteuna iagho mala kiloni nanghagna na Isak, gaoghathogna mae Isak teu igne ‘maꞌe’ eghu. Iara ginauna na eni nogu nhaꞌa cheke na balugna mana nei thugna mana re eghu, eghuteuna nhaꞌa cheke igne ginauna au fabrahu tifa e tifa.

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

God jaola ne cheke eghu ka mae Ebraham, “Iara ginauna nake tuthughu nanghagna khetomu iagho Sarai gne. Nanghagna naꞌa gognaro na Sera, gaoghathogna Sera teu igne ‘Thugna gaꞌase mae king’ eghuni.

Igne unha nate eni iagho te mala laseni iara te thofno leghuni iagho nogu cheke iara na. Iagho nei thumure eghu mala tohi fagaglana, eghuteuna ghotilo mala kafe tohi fagaglana goro mae nalhaꞌu te au balumi re. Funu gognaro te haghe na ghotilo mala kafe tohi fagaglana goro mae sua nalhaꞌu tela kaisei wikidi hire. Ghotilo mala jaola kafe tohi fagaglana mae nomi sneka re nei mae thudi re eghu. Eghuteuna u fagaglana igne ginauna na au fabrahu ka gulimi ghotilo re mala theome ghatho ihoni ghotilo nogu nhaꞌa cheke iara na.

Nu iara ginauna na eni nogu nhaꞌa cheke na ka mae Isak thugna Sera nate karha mei ka finogha te fufunu gognaro gne.”

Igne unha nate eni iagho te mala laseni iara te thofno leghuni iagho nogu cheke iara na. Iagho nei thumure eghu mala tohi fagaglana, eghuteuna ghotilo mala kafe tohi fagaglana goro mae nalhaꞌu te au balumi re. Funu gognaro te haghe na ghotilo mala kafe tohi fagaglana goro mae sua nalhaꞌu tela kaisei wikidi hire. Ghotilo mala jaola kafe tohi fagaglana mae nomi sneka re nei mae thudi re eghu. Eghuteuna u fagaglana igne ginauna na au fabrahu ka gulimi ghotilo re mala theome ghatho ihoni ghotilo nogu nhaꞌa cheke iara na.