Popular Bible Verses from KALAQAMA 17

Deildu

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

Lowo gosa anna asseemmohe daafira, techo ka'a su'mikki Abiraami yaa agurreenna Abirihaami ikkanno.

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

«Kuneeti ate ledo gondooro e"eemmo; lowo gosa anna asseemmohe.

Maganuno, «Dee'ni! Addaho galtekki Saara labbaa beetto iltannohe; su'masino Yisihaaqi yite woshshatto; isi gedensaanni sirchisira hegerera ikkanno gede gondooro'ya isi ledo e"eemmo.

Wosinchimma hee'rattota Kana"aani Gobba baala, geedote ikkitanno gede ateranna ate gedensaanni sirchikkira eemmo; insarano Maganonsa ikkeemmo» yiisi.

Abirihaamino alba hige gombisame kumbuuli; oso'le kae wodanisinni, «100 diro ikkino manchi halaalinta ooso ilannoni? 90 diro ikkinoseti Saarano iltannoni?» yii.

Maganuno Abirihaamira, «Galtekki su'ma Saarayi yitooti; techo ka'a su'mise Saara ikkona.

Anenna ki'ne mereero noo gondoorira malaate ikkanno gede barcintinanni.

Gondooro'ya kayinni daanno diro tenne yannara Saara iltannohehu Yisihaaqi ledo e"eemmo» yiisi.

Settu barri qaaqqi barcimona; mine ilaminohu woy gobbanni woxunni hirre abbinoonnihu labbaahu baalu barcimona. Minekki ilaminohu, woxunni hirroonnihuno gatikkinni barcimona. Kunni garinni bisi'nera hee'ranno malaati hegerera gondooro ikkanno.