Popular Bible Verses from Génesis 6

Deildu

upévare Ñanderuete ombyasy ojapo haguére Adan ha Évape, ha hasy asy ichupe ipy’apýpe.

Ha Ñanderuete ohechávo yvyariguakuéra reko iñañaha ko yvy apére, ha opaite mba’e ipy’apýpe heñóiva guive mba’evai memeteha

Ñanderuete katu ipy’aporã Noe ndive.

Peichava’ekue Noe ha iñemoñarenguéra rekove: Noe kuimba’e heko porã ha heko potĩva’ekue hapichakuéra apytépe, ha oguatáva Ñanderuete ndive (Ha’e oipota háicha).

Ha Ñanderuete he’i: Ajukáta opaite kuimba’e ha kuña guive mymbakuéra peve, mbói guive guyrakuéra yvate ovevéva peve; ambyasy ajapo haguére ichupekuéra.

Ha ojehu oñepyrũvo kuimba’ekuéra oñemboheta hetavévo ko yvy apére, ha onace rire ichupekuéra heta tajýra, Ñanderuete ra’ykuéra ohechávo kuimba’e rajykuéra iporãitereiha, oiporavo ha oguenohẽ ijapytégui hembirekokuerarã umi oipotavévape. Upémaramo Ñanderuete he’i: Che Pytu Poraitéva noisãmbyhymo’ãvéi yvyariguakuérape opaite árape, añetehápe, ha’ekuéra to’o voínte; upévagui oikovéta 120 áño pevénte. Umi árape oĩ yvy apére kuimba’e yvate ha hete tuicháva (gigánte); upejave og̃uahẽ avei Ñanderuete ra’ykuéra oiko hag̃ua kuimba’e rajykuéra ndive ha omomemby ichupekuéra. Imembykuéragui oiko kuimba’e herakuã porã ha ipy’aguasuetéva.

Ha Noe ojapopa Ñanderuete he’i hagueichaite ichupe.

Ha Ñanderuete he’i Noéme: Ha’éma chejupe ajukapataha opaite tekove oĩva guive yvy apére, iñañaitégui hikuái, ha péina ápe Che ahundipáta ichupekuéra ko yvy kóva reheve.

Ejapo ndejupe g̃uarã peteĩ barcoguasu gofer yvyrágui; ha ejapo avei kotykuéra hyepýpe, ha asfáltope (vlékepe) emboty umi tábla pa’ũ hyepýguio ha okáguio.

Ha Ñanderuete oma’ẽ yvýre, ha péina ápe yvyariguakuéra reko ivaipaite.

ha opaite mymba oikovéva guive remoingéta barcoguasúpe mokõi mokõime. Opaichagua mymbágui, peteĩ casal, ikatu hag̃uáicha oikove hikuái nendive.