Popular Bible Verses from Matthew 24

Deildu

Ḵad gapu'tte umaduadu da adipun tumuttuwa'tta pinion Apudyus atte annae lubung, ḵummuya an-aayat da adu we tagu. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Ḵad nu dongngonyu we awad gubat atta adani ḵan adayu we ili, adi ḵayu umogyat te ḵasapuḻane maḵwa da sana. Yaḵon daampun yan anungus ni lubung.

Te anggugubat yan da adu we ili ya da adu we gubilnu. Ḵad awad os da lunig ḵan inggi'tta adu we ili. Yaḵon losan atta sana, isun ni misaḻdan ni bubai ye anggumute ampaḵaḻam.

Amungtu losan da awad ad langit ya sina'd luta yaḵon adipun amungtu ugudḵu.”

Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu, gapu si ḵanandae ‘Saḵon Kristu,’ ḵad adu da tagu we allelawonda.

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon. Sa sadi ye timpu, adu da an-awidanda da pammatida ḵan saḵon. Ḵad an-asituyuḵda ya sasangngaanda da buḻunda. Adu da sinan profeta we ampaila ḵad adu da allelawonda.

Ḵanan Jesus we summongbat, “Ummanyu ta adi ḵayu maallelaw.

Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”

Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus, ippun os igammuḵ. Te ippun udum aḵ angigammu, abus aḵ Apudyus we Ama.

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Sa ugalin da tagu si timpu we mipauliyaḵe Abeng Di Tagu, isun ni ugalin da tagu si timpun Noah si awe. Te sa sadi ye timpu'tte daan ni lubung malitapan, abus aḵ ḵooḵoonda anggangganas, angaangan ḵan uminuinum ya an-as-asawa inggana'tte nillumnoḵan da Noah si bapur. Naippun nangigammuwanda'tte ḵaog-ogyate maḵwa ḵan dida, inggana'ḵ dinnumtong litap woḵ naaminda naumbuḻ. Ḵatti bos iissun ni maḵwa nu mipauliyaḵe Abeng Di Tagu.