Popular Bible Verses from LIKI 7

Deildu

Gud teŋa ta ten waatam, baymele naata bə ablaw fəlaŋ vəəgi bə giiduŋ ne wəra, haa gud bə minti a jəŋ bele bobloŋ sarənaŋ. Səma, hulum bə minti yə vəəgəŋ giidi cuuru wesekiŋ, bele nuutuŋ weseka gəm.» Kəya Yeesu waataŋ həlgəŋ minti: «Baymele niitiŋ fəlaŋ vəəgi bə giiduŋ ne wəra.»

Səma Yeesu waataŋ həlgəŋ minti: «De niitiŋ siiriniy ne wəra. Ɗee la kəkaaɓa.»

A bəŋ sar Yeesu duuru, a əsəŋ kerkə kəmpuru maŋ. A əsəŋ bə loɗe kampar Yeesu wəra də kan kə dərə. Kəya a sətnu kəmpuru wəra də kaaɗe gə cəərə, a suɓnu kəmpuru, a gəənu son ada.

Gud teŋa ta, ten asaŋ kusrən paapa kir ɗe a ŋefe dəərəm də kusrən ba. Səma waatə kel la nəmti məna təwa, hulum bə joŋre nin seere yaŋ wəra. Ten ha'aŋ, kumna bə waatan səman yaŋ gəm. Ten waate sam kəsooto gəm. Ten waate kəman məna minti: ‹Ɗee la!›, wə ɗe. Ten waate naayaw minti: ‹Bəəda!›, wə bi da. Ten waate hulum bə joŋre nin minti: ‹Jəə la anəkay!›, wə ji.» Bə minti Yeesu əskəŋ kel teŋ kəyaŋ, wə ŋələŋ gud kel nuutuŋa. Wə haraŋ duru cəərə kaa gə minti bə ɗe guuduŋ, wə wəətənəy minti: «Ten waataŋ, jəə la nuutu *Israyel da ɗaw, ten fəlaŋ de hõy də ada bədoona ana ba.»

Dər ko toŋa, Yeesu seereŋ kaŋ wəra ablaw ku gidiirə ɗeme ablaw. Wə pəŋ kəwal wəra ablaw cəərə kaŋa, wə pəŋtəŋ dər kaa kə bəwə-bəwi wəra ablaw gəm. Kəya wə haraŋ kel a kaa gə minti Zaŋ vəənəy daŋ minti: «Aŋ ɗee la a waate Zaŋ cəərə kel gə minti aŋ əsnəy daana iskiniŋ: kaa kə bəwə-bəwiŋ bə ase, kaa kə dəlay bə ɗe, kaa kə fə̃yaŋ seereŋ wəra, kaa kə nəŋkaŋ bə iski, kaa kə mee-meŋ haraŋ wəra dədərgə, kaa kə caacaŋ bə iski *Kel Pəsaŋ kəmarwaŋ kə Pepeŋa.