Popular Bible Verses from LIKI 14

Deildu

«Jəəne minti hulum haanan bəlam dən də ne minti wə balnan dəŋaŋ anə buru, də nuru, də muruŋ, də kərmuyuŋ, də kəsəənu kaŋkar, də kəsəənu kəram baŋ, daana minti wə balnan dəŋaŋ kusru baŋ, wə neke bə ji *hulum bə guudən ba.

Hulum bə minti haŋ kəbaŋ gə larga nuutu də baŋ daana haanan bəlam dən baŋ, wə neke bə ji hulum bə guudən ba.

Gud maa mo, hulum bə minti haŋ cəərə kusru ne apəyaŋ, yə həru yaŋ wəra adoro, hulum bə minti haraŋ kusru ne adoroŋ, yə haw cuuru yaŋ apəya.»

Kəya Yeesu haraŋ bə waate pa minti: «Sarəna bədoona ana gəm. Mindi mo guudəŋa minti wə taakaŋ kar nuutuŋ wəra keɗe baŋ, wə neke bə ji hulum bə guudən ba.»

Bədoona ana, jəəne minti hulum aduubə dəŋa bele hərsi kuli pis-pisiŋ, wə isi kəm cin bə aŋke kar gə minti wə ji joŋreŋ diiriŋ, bə ase wəra minti soloy neke yaŋ nuutu bə tewe joŋre wəra bə moŋ? Jəəne minti wə məlnu guudu ne minti wə təwaŋ wəra baŋ, kaa gə minti bə ase kuli toŋ gila bay tewe keɗeŋ, yə bə awte hin yaŋ cuuru minti: ‹Hulum toŋ a ɗəlaŋ hərsi kuli, səma wə nəkaŋ tewe joŋre duŋ wəra ba!›

Ana ɗaw ha'aŋ, bə minti tam wəɗaŋ so bə kəɗwəy neŋ, mantə laŋa kaa kə caacaŋ, kaa kə dagə-degeŋ, kaa kə dəlay də kaa kə bəwə-bəwiŋ. Bədoona, tam ji yaŋ də waale gud bə minti yə nəkaŋ bə gam bal də mante nəmtiŋ ba. Pepeŋ gam bal du yaŋ wəra akaceŋa minti wə haraŋ kaa ɗekeriŋ ne wəra dədərgə adordə meŋaŋ.»

«Mántáŋ haa karman pisi, səma bə minti wə sa'laŋ ne wəraŋ, hulum neke yaŋ bə həru dihi pə mo? Wə paapa pisi kə seŋkaŋ pəda gəm, wə paapa pisi bə cimi ko pəda gəm. Yə vaw warna taakaw na. Hulum bə minti jəəne də kosoŋ kirka iskiŋ, wə əskə la pisi!» – 14 15