Popular Bible Verses from لوقا 22

Deildu

ينَّا: "آ بَابَا، مڒَا ثخْسذ سْبعّذ-يث خَافِي ڒْكَاس-أَ ن ڒَعْذَاب. مَاشِي مَامْش خْسغ نش؛ لَّا، مَامْش يخس ڒْخَاضَر نّش شك."

تتَّارغ اَكِذش غَار سِيذِي أَربِّـي حمَا لإِيمَان نّش وَار ينقّص شَا. خْمِي غَارِي د غَا ثْذوْڒذ، شجّع اَيْثْمَاش."

ئِيْسِي اَغْرُوْم يشكَّر أَربِّـي يرْزِي-ث يُوْشَا-ٱسن-ث ينَّا-ٱسن: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي ثْفكَّرم."

أَمُّو عَاوذ منْبَعْد إِ ومنْسِي ييْسِي-د ڒْكَاس ينَّا-ٱسن: "ڒْكَاس-أَ ذ ڒْعَهذ ذ جْذِيذ إِي كِذْوم تݣّغ س يذَامّن ينُو اَذ اَزّْڒن عْلَاحْسَاب كنِّيو."

ئِخيّق وُوْڒ نّس يَرْنِي يتْࢲَادْجَا كْتَر عَاذ، ثِيذِي نّس ثهْوَا-د زَّايس غَار ثْمُوْرْث ثݣَّا اَم ثْنقِّيضِين ن يذَامّن نِيشَان.

وَلَكِن مَانَاينِّي يتْخصَّا وَار يتِيڒِي شَا جَارَاوم؛ لَّا، ونِّي يدْجَان ذ اَمقّْرَان جَارَاوم يتْخصَّا-يَاس اَذ يِيڒِي اَم ومزْيَان نْوم ذ ونِّي يحكّْمن يتْخصَّا-يَاس اَذ يِيڒِي اَم ونِّي يتْسخَّارن.

يَارَّا خَاس عِيْسَى ينَّا-ٱس: "أَذَاش ينِيغ آ بُطْرُس: قْبڒ مَا ٱذ يدّن ويَازِيض نْهَارَا اَتَاف اَذَايِي ثنْكَرذ ثْڒَاثَا ن ثْوَاڒَاثِين وَار ذَايِي ثسِّينذ شَا."