Popular Bible Verses from Matye 16

Deildu

Dẽ, a Zezi yeela b karen-biisã yaa: Ned sã n dat n tũ maam, bɩ a kɩɩs a meng raabo, n tʋk a ra-pɩk n pʋg maam.

La maam, mam yeta foom tɩ foo la a Pɩyɛɛre, la tɩ mam na n mee m roogã kug-kãngã zugu, la kɩɩm-kulg ka na n tõog-a ye.

Mam na n kõo foom arzãn soolem kʋɩlen-biisi: Bũmb nins fãa fo sẽn na n loe tẽng zug ka na n loee arzãna, la bũmb ning fãa fo sẽn na n lok tẽng zug ka na n loka arzãn me.

Bala ned ning sẽn baood tɩ kogl a vɩɩm, a vɩɩm na sãame, la ned ning sẽn na n bas a vɩɩm mam yĩnga, a na paam-a.

La ned sã n paam dũni gill fãa n bas n ki, a yõod bee yɛ? Walla bõe la ninsaal na n dɩk n tek ne a yõorã?

T'a Zezi leb n sok-ba: La yãmba, yãmb yetame tɩ mam yaa ãnna? A Sɩmo Pɩyɛɛr leokame n yeele: Yãmb yaa Kirist, Wẽnnaam sẽn vɩ wã Bi-riblã

La Zezi goma ne-a n yeel-a: Sɩmo! A Zonaas biiga, bark bee fo zugu. Tɩ bõe, ka nemd walla zɩɩm n vẽneg foom ne bõn-kãngã ye. Yaa m ba sẽn be arzãnã.