Popular Bible Verses from Luki 6

Deildu

Yaa puuni mani, lani bi baa yaa puuni yimo ki biigidi yi po bonŋanla, ki ñiigi ki yegini ki kuodi hali lan cuudi. Bi baa taa yin biigidi nitoaba po leni yaa bonbiigikaala , ki biigi yimo yaa po.»

O niŋamo ñandi o paŋanli nni yaala n ŋani, o nibiado mo ñandi o pabiadili nni yaala n bia, kelima o nilo maadi yaala n gbie o pali nne.

Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa guani ki gaa bi kani liba. Yeni, yi panpaani baa yaa yabi, yi baa yaa tie U Tienu yua n ye hali tanpolijoma bila, kelima wani, o ŋanbidi bi ŋanwaadanba leni bi nibiadiba kuli po.

Yin yaa tiendi mani mi ŋanma nani yi Baa moko n tiendi mi ŋanma maama yeni.

Yin da ja mani ti buudi, ke U Tienu n da ti jia yimo yaa buudi. Yin da bu ki cuo oba, ke ban da ti bu ki cuo yimo. Lani, bi kan jia ki bili yimo yaa cuonu. Yaa tiendi mani yi nisaalilieba tagili po sugili, lani bi baa tieni yimo yaa tagili po sugili.

Yinba yaaba n cengi n maama, n yedi yi line: Yaa bua mani yi yibalinba, ki yaa tiendi yaala ŋani yaaba n nani yi po. Yaa gaaliti mani yaaba n solini yi, ki yaa jaandi yaaba n sugidi yi po.

Yin yaa tiendi bi niba po, nani yin bua ban yaa tiendi yi po maama.

Nilo yaa pabi a kpianyendu po, ŋan pegidi ki teni o une mo. Nilo yaa fie a liadicianli, ŋan da yie ke o kan gaa a liadiga mo. Pa yua n mia ŋa kuli. Nilo yaa fie ŋan die yaala, da guani ki buali o la.

Tiŋanbu kan luoni yaa bonluonkaala n ki ŋani. Yaa tibu n ki ŋani mo kan luoni yaa bonluonkaala n ŋani.

Bi bandi tibu kuli kelima bu bonluonkaala po yo. Bi kan sobidi a kankana ku konkongu po, bi kan go sobidi i cabi u naakpanyuanu po.