Popular Bible Verses from Matayi 7

Deildu

Simulavaje, pe mulipelwa; simulondaje, pe muliyaga; simuhonyonsyaje kulwiji, pe muliyigulilwa.

She vonti ava venga vakulava, ve vakuposhela; vonti nava venga vakulondola, ve vakuṿwaga; vonti nava venga vakuhonyonsya kulwiji ve vakwigulilwa.

Ilelʼuno wengʼakwiṿwʼamazwi gane ganaga, uno wengʼakugalandata, we nkumuholanya nkuti ali fwe muntu wa njele wʼinyumba yakwe azenzile piyalavwe.

Ilelo zyonti zyenga mukasimʼukuti avantu vavavombelʼimwe, zye muvavombele zizyo namwe, she zye nkomelezyo navakuvwi.

Shifinyanu nishikwilo, lifinyanu nidala lye likuvala kuvulanzi, vansi vene ve vakulyaga.

Simutushʼukwinjila mushikwilo ishifinyanu, she shibabaye nishikwilo, libabaye nidala lye likuvala kwe kuvutupulwa, vinji ve vakujenda pupo.

Apene lelo ngʼimwe, mwe vanyala vwelele, ingʼavana vinyu mukuvapʼiṿwinza namwe, pʼuSo wa kumwanya asitʼukupitilizya ukuvapʼiṿwinza vuvo ve vakulava kukwakwe?

Mutalongaje, ukuti namwe mutahalongwaje. She mumwo mwe mukuvalongʼavanji mwe namwe mulilongwa mumwo. Ishifinjilo shisho she mukuvalinjilʼavanji, she mulilinjilwa shisho namwenemwe.

Nkandʼuno wengʼakwiṿwʼamazwi gane ganaga, havili atakugalandata, we nkumuholanya numupukupuku wʼinyumba yakwe azenzile palusenga.

Ukwenya hashʼahambaza he hali mwilyinso lya wamwinyu, shʼigambo mwilyinso lyaho utakulyenya? Havili pe watinji uyanje vuli kuwamwinyu ukuti: Twiṿwe nkefwʼahambaza he hali mwilyinso lyaho, she nawʼigambo lili mwilyinso lyaho wenewe?

Mwandajʼavakuvwi avilenga ve vali fwe ngati ngʼonzi munzi lwe vakwinza kumwinyu, muhati nyene impumpi inkali. Mulivamanyila pansanga zyavo zye vakuhoma. Amwʼumuntu akuyavilʼamampensya pamachese? Amwʼumuntʼakutungulʼamakunyu pamansonya?

She gahonzizye vovulo gontʼamakwʼaminza, gakuhomʼinsangʼinyinza. Agenʼamakwʼamavivi nyene ge gakuhomʼinsangʼimbivi.

Ikwʼilyinza litakuhomʼinsangʼimbivi, lyope nikwʼivivi litakuhomʼinsangʼinyinza.

Gontʼamakwi ge gatakuhomʼinsangʼinyinza gakutemangwa, gakutajilwa mumwoto