Popular Bible Verses from LUKE 21

Deildu

Ye kò nyɛmɛɛ. Ye da Nyɛʔɛlɛ nyɛri le nyiŋi kì bɛfu na, jango ye fanŋa ta, ye syɔ kaʔa gee ma ké na pan wa ge, ye gbàn ye yèré wa Hɛn Pyɔ wi yɛʔɛ̀ ma ge.»

Ye da yè kɔrɔsi, jango yè lama mò gáa wlele ye na fɛtiyee na be, ní hunmù jɔdinmi ní me, ní ki drunya ŋa wi kaʔa ke honrimi nì me, jango ki wlɛʔɛ kò gá ye fo

Ye da ki kaʔa kunnu ge yè nî. Nàʔa po ban, pa ye yè syɔ.

Mɛjɛn mí bi ticlimi kayoro kan ye ma, jango yè bɛnfɛɛ wà nigbe wò gá gbàn bì da ye jin, ná kiì ban, bì da kakara wa ye nì.

Namuru ní, tra ní, pí bi gà gɔ, di na noyomo mi ìn bi je ga gɔ fyeu.

Jɛnʔɛ bi ba hanri wa yaa nì, yege nì, ní ŋoŋoo na ge. Yɛgbanʔa bi ba do hɛɛn na naʔa tra na de. Pe lama pa mi wlele pé na nyugbɔmo mi kpoʔoromo tunnumu kala na le. Hɛɛn bee pé na ki kaʔa gee hanni ké na pan wa drunya klɛnmɛ mì bɛfu ni ge, pé bi ba jrigi fyakpɔrɔ ti kala na le, mɛjɛn namuru fangbɔrɔ tí bi ba gboʔoro. Ki nyiŋi na ge, ‹pa pe Hɛn Pyɔ nya wí na pan wa faʔa kà ni› fangbɔʔɔ ní, ní wi kmara tì bɛfu ní.

Hɛɛn pè bɛfu pé bi ba ye cɛ na kala na le.

Tra tí bi ba gboʔoro ceŋge dere fafaʔa na. Funŋu kí bi ba do. Tiflɛʔɛ yara pa ti bo wa. Wa namuru ni de, fyara yrɛbɛ ní, ní jɛnkpandoʔo bi baa hanri.

Nà ye gaʔa loʔo bì yo pé na mlara kmo bì nì bì yo pé na can pè ní ge, yò gáa fyaʔa. Mɛjɛn kí ma yala ki kaʔa gee ke ba hanri kpɛn. Di kòo bo drunya wi tonnyiŋi kí ma no kpɛn.» Wɔ̀ɔ ní ma pe po: «Klòʔo ké bi baa dun kè na. Masaa pé bi baa dun pè na kpo.

Jɛnʔɛ bi ba hanri wa yaa nì, yege nì, ní ŋoŋoo na ge. Yɛgbanʔa bi ba do hɛɛn na naʔa tra na de. Pe lama pa mi wlele pé na nyugbɔmo mi kpoʔoromo tunnumu kala na le. Hɛɛn bee pé na ki kaʔa gee hanni ké na pan wa drunya klɛnmɛ mì bɛfu ni ge, pé bi ba jrigi fyakpɔrɔ ti kala na le, mɛjɛn namuru fangbɔrɔ tí bi ba gboʔoro.

Wɔ̀ɔ ní ma pe po: «Klòʔo ké bi baa dun kè na. Masaa pé bi baa dun pè na kpo.

Wɔ̀ɔ pé po: «Ye da yè kɔrɔsi. Yò gá hɛn wà yaʔa wi ye fanla. Mɛjɛn hɛɛn fafaʔabaa bi baa ban na yele na le bì yo, pé nyɛ Nyɛʔɛlɛ li wofràa be bì yo nɛ, nyiŋi kí ma kɔ kɔ. Di yò ga ba pé na.