Popular Bible Verses from MATEO 23

Deildu

Le máax cu meyajtic u láako'obo' leti' u asab nojochil ichile'ex.

Tumen le máax cu ca'analcuntic u yóole' bíin cabalcunta'ac u yóol, ba'ale' le máax cu cabalcuntic u yóole' bíin ca'analcunta'ac u yóol.

¡Óotzile'ex u j ca'anbesajile'ex a'almaj t'aan yéetel fariseoex, j ca'a p'éel iche'ex! Te'exe' ca dzáique'ex ti' Jajal Dios u diezmoil menta, u neek ánis yéetel comino, ba'ale' ca p'atique'ex jun tzéelil le ca'ansajo'ob asab páaybe'en ti' le a'almaj t'aano', je'el bix le toj cuxtalo', le ch'a'a óotzililo' yéetel le ocsaj óolalo'. Lelo'oba' leti' páaybe'en a beetique'exa' yéetel ma' a p'atique'ex a beetique'ex le u láako'.

¡Óotzile'ex u j ca'anbesajile'ex a'almaj t'aan yéetel fariseoex j ca'a p'éel iche'ex! Tumen ca p'o'ique'ex u paach le vaso yéetel le platoo', ba'ale' ichilo'obe' chuuptac yéetel ba'ax yaan te'ex tu yo'olal a wocole'ex yéetel a dzu'utile'ex.

¡Jerusalén, Jerusalén, teech ca quíimsic le aj bóobato'ob yéetel ca muruxtuuntic u aj bisaj t'aano'ob túuxta'abo'ob teech tumen Jajal Dios! ¡Jay téen tin wóoltaj in much'quint a paalal je'el bix le x caax cu much'quintic u mejnilo'ob yáanal u xiiko', ba'ale' ma' ta wóoltaji'!

Te'exe' beye'exo': yo'ocabile' jach utz a wila'ale'ex tumen máaco'ob ba'ale' ichile' chupe'ex yéetel ca'a p'éel ichil bey xan yéetel kaasil.