Popular Bible Verses from MATEO 21

Deildu

Yéetel je'el ba'alac ca a káate'ex ich payalchi'e', wa ca w ocsaj óoltique'exe', yaan a kamique'ex.

Jesuse' tu núucaj ti'ob: Tu jaajil quin wa'alic te'exe' wa yaan a wocsaj óolale'exe' yéetel wa mina'an ca'a p'éel óolal ti' te'exe', ma' chéen cu páajtal a beetique'ex le ba'ax tin beetaj yéetel le higueraa', ba'ale' je'el a wa'alique'ex ti' le witzo': Tzelabáa te'ela', pulabáa ka'anab: bey cun úuchulo'.

Le máaco'ob cu bino'ob táanilo' bey xan le cu taalo'ob paachilo' jo'op' u yawtico'ob: ¡Nojbe'enil ti' u Paal David! ¡Qui'iqui' t'antbil máax cu taal tu kaaba' Yuumtzil! ¡Nojbe'enil ti' Yuum Jajal Dios!

ca tu ya'alaj ti'ob: Le Quili'ich Dzíibo' cu ya'alic: In wotoche' yaan u kaaba'inta'al u najil payalchi'; ba'ale' te'exe' dzo'oc a sutique'ex u cúuchil j oocolo'ob.

A'ale'ex ti' u caajil Sión: Ile, a ajawe' táan u taal ti' teech cabal u yóol, u nat'maj jun túul burra, yéetel jun túul chan burro, u yaal jun túul ba'alche' cu cuuch.

Jesuse' tu ya'alaj ti'ob: ¿Mix jun téen a xocmaje'ex le Quili'ich Dzíibo'? Cu ya'alic beya': Le tuunich p'ecta'ab tumen le j pakbalo'obo', j kuch u beet u noj tuunichil le chuun pako'. Lela' j beeta'ab tumen Yuumtzil. To'one' c ilic bey jun p'éel jakbe'en ba'ale'.

Le o'olal quin wa'alic ti' te'exe' bin u ca'a j lukesbil ti' te'ex u ajawil Jajal Dios u ti'al ca dza'abac ti' le máaco'ob je'el u kubico'ob le u yich cu ti'alintic le ajawilo'.