Popular Bible Verses from Génesis 1

Deildu

Paaty y'ënäny: Tyam tsojk ënät nyajkojëm yë naaxwiinyëtë ja'ay. Jëtu'un y'ixë'atëty tä ëëtsajtëmën. Myëët'atëp yë ënä'ämën kuttujkën ma nëë jëyujkën, ma joon jëyujkën, ma ja jëyujkën mëti'ipë tsënaaytyëpën ma jëën tëjkën ets aay joty ujtsjotypë. Näyjyëtu'un myëët'atëp yë ënä'ämën kuttujkën ma ja jëyujkën mëti'ipë myox tyukye'epyën. Ko yë Dios ojts tyajkojy yë naaxwiinyëtë ja'ay, jëtu'un ojts tyajkojy ijxtëm yë'ë kë'ëm y'ixëtyën, ye'etyëjk ets to'oxytyëjk ojts tyajkojy.

Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Ko tsyo'onë'ky tsyo'ontäky, Dios yë'ë ojts tyajkojy ëka'any tsajp ets naaxwiinyëtë.

Yë naaxwiinyëtë ka'ap ënety tii ijxën oypyë tmëëtëty, je'eyë ënety kootspuknë wyimpakëxë'ëky yë mëjnëëmejy ets ja Dios ja myëk'ajtën y'oyajtën yë'ë ënety je'eyë yu'kxp nëëwinkëjxy.

Ënet yë Dios y'ënäny: wä'än tjää'aty yë kutë'kxën. Tää ja kutë'kxën ojts kyëxë'ëky.

ënät yë Dios t'ijxy janty'oy tu'kë'ëyë mëti'ipë ënety të tyajkojyën. Jëtu'un ojts kyä'pxy ja mëtëtujk xëëwpë.

Ko ja Dios t'ijxy ko janty'oy kyëxë'ëky ja kutë'kxën. Ënet ojts tyajnewyä'kxyë mëët ja koots'ajtën.

Tää jatëkok tjaakënëmaay: Ëk'ixtë, tyam mijts nmo'otë ets ntukë'ëtëkëtë tu'kë'ëyë aay ujts mëti'ipë naaxkëjxy yoonp ji'tspën ets myëët'ajtyp yë pyajk ets tu'kë'ëyë aay kepy mëti'ipë tëëmpäjtpën. Yë'ëts myajtuntëp ets xyjyë'kxtëty xypyëktëty

Ets tukxëëwajty, xëëny e ja kootsajtën tukxëëwajty koots. Jëtu'un ojts kyä'pxy ja mëtu'kxëëwpë.

Ënet ja Dios jatëkok y'ënäny: Wä'än tjää'aty tu'uk yë niwits nijuux, mëti'ipë yaj'ëwä'kxy'itëpën yë nëë, jëtu'unts ëwä'kxyjyäty wyë'ëmtëty. Ënet ojts jëtu'un tyuny jyätyë.

e yë jëyujkëty mëti'ipë tsënaaytyëpën aayjoty ujtsjoty, joon jëyujkëty ets tsa'anyëty, yë'ë jyë'kxtëp aay ujts. Jëtu'un ojts tyunyë jyätyë

Ënet ja Dios y'ënaankojnëpë: Wä'än tjää'aty ja të'kxën jajën jam tsajpwinm ma niwits nijuuxën, mëti'ipë kyutë'kx kyujajëpën ja naaxwiinyëtë. Ets tyajnäywyä'kxëtëty ja xëënyajtën ets ja kootsajtën ets yë'ë yajtuk'ixëty ja xëëw jëmëjt, xëëw po'o ets ko jyää'atëty ja nyipo'o nyijëmëjt tiijaty tuunëp jajtëpën. Jëtu'un ojts tyunyë jyätyë.

Ënet y'ënäny wä'än tpu'uy yë aay ujts kanaakjëjp. Ujts mëti'ipë myëët'atëpën yë pyajk ets kepy mëti'ipë tëëmpätëpën. Jëtu'un ojts tyuny jyätyë.

Dios ojts tu'uk tjanty yajkojy yë niwits nijuuxy, mëti'ipë yaj'ëwä'kxy'ittëpën yë nëë. Tu'kpëky ojts ja nëë wyi'imy pa'tkë'p ets tu'kpëky nëkëjxy.

Tää wyinmujxëtyääy wyinyo'onëtyääy ja naax mëët ja aay ujts, tam mëti'ipë myëët'ajtypyën yë pyajk ets aay kepy mëti'ipë tëëmpäjtpën. E Dios janty'oy t'ijxy mëti'ipë ënety të tyajkojyën.

Dios ojts tyajkojy mäjtsk yë kujaj kutë'kxën, tu'uk yë mëjpë mëti'ipë kujaj kutë'kxëpën xëëny ets mutskpë mëti'ipë kujaj kutë'kxëpën koots. Ojts näjyëtu'un tyajkojy maymyëtsa'a.

Ënet yë Dios jatëkok y'ënäny: Ja nëë mëti'ipë të wyi'imyën pa'tkë'p, wä'än tnämyukyë tu'ukyë ets wä'än jëtu'un tnitëtstu'uty yë naaxwiinyëtë. Jëtu'un ojts tyuny jyätyë. Ja mëti'ipë ojts nyitëtstu'utyën. Jä'ä ojts ja Dios txëëwmo'oy Naax. E ja nëë mëti'ipë ënety tu'ukyë të nyämyukyën jä'ä txëëwmooy mejy. Ko ja Dios t'ijxy ko aak'oy mëti'ipë të tyajkojyën.

Ënet ojts tkënu'kxy mëët ya'atë aaw ayuk: Wä'än mnimayëtë ets xyajwintuktëty yë nëëjot ets wä'än näjyëtu'un nimayë yë joon jëyujk naaxwiiny.

Ënet yë Dios y'ënäny: Wä'än tjää'aty naaxkëjxy yë winë jëyujk: mëti'ipë ma jëën ma tëjk yajpaatëpën ets mëti'ipë aayjoty ujtsjoty yajpaatëpën, mëti'ipë myox tyukye'epyën. Jëtu'un ojts tyunyë jyätyë

Ënet yë Dios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Dios ojts ya'atë jëyujk tyajkojta'ay ets janty'oy t'ijxy.