Popular Bible Verses from Lukasə 5

Deildu

Ndzaŋ a kə məgtə̂ nə́ á mə́ tsáb nə́ lə́, ə́sóŋ nə́ Saamun ńgə́, “Kwádtə ńgɛnə̂ aliʼ yə shǐ nə́ ḿmaʼ məŋkɛlə́ á nkǐə, ńjî ńgə́ gho kó əshûə.”

Saamunə a kwěe ńgə́, “Tǎ, pəg lê lə́ tsɔʼə apeŋə́ apeŋ ə́sɛ̂nə̌, ńtáŋnə á mə́ kó nə́ əshûə, ḿbə́ ńkě ajûtsə́ kó pô. Lə́ tə mbɔʼ gho sóŋ ə́lɨ́d tə ḿbə́ maŋ yǐ maʼə̂.” Ndzaŋ pó kə maʼ nə́ məŋkɛd móobə́ á nkǐ lə́, ńkóolə aláʼə əshû tə məŋkɛd mɔ́b mə́ tíʼə ńdə́kə.

Lə́ Yeso a pə̈ ńdzá ə́fɛ́lə á mə́m pɨ ńgɛnə̂ ńchîə kɔŋ məŋkwâʼlə̌ ńchaʼtə́sê.

Maŋ kě yǐ lə́ mə́ fóŋ nə́ pɨ páʼ pó tɨ́ nə́ ndə̌ŋdəŋ pô. Maŋ yǐ lə́ mə́ fóŋ nə́ ngaŋə́ghɛlə təpɔŋ ńgə́ pó kwúblə.

Ndzaŋ páʼ Saamun Pita a kə jɨ́ nə́ mbô anu jɨ lə́ ńgwǔəə á məko Yeso, ə́sóŋ ńgə́, “Mmaʼmbî, lǒo gho á nəpɛnə́ maŋə, maŋ lə́ ngɛdtəpɔŋə!”

Yeso a kwěe ághɔ́b ńgə́, “Pɨ páʼ pó chî nə́ əshîʼnə pó kě ntsóʼ náŋə pô. Ntsóʼə a chî lə́ ńté pəghoonə́.”

Pó tíʼ ə́fóg əŋkənúʼə́ əpɔ́b ńtə́gə á nkǎŋkǐə, ḿmɛdtə̂ ajúmə atsəm ńdzoŋə̂ Yeso.

Yeso a kə chîə á aláʼ yitsə́ páʼ ngaŋnkaʼə a kə chî nə́ ə́wə́, ndzaŋ a kə jɨ́ nə́ Yeso lə́, ńgwǔəə á məko yí ḿbóʼmbô nə́ yí ńgə́, “Mmaʼmbî, mbɔʼ gho kɔŋə̂, gho ghɛd maŋ ŋwaʼə̂.” Yeso a tsɛɛkə̂ apô ají ńkwumə̂ yí ə́sóŋ ńgə́, “Maŋ kɔŋə̂, ŋwaʼə̂.” Tsɔʼə əghâ yi wɨ nkaʼ əjǐ zə̂ ə́ měe yə́.

Atsáb ńté Yeso á pəənə̂ ńgáʼə ńgɛnə̂ pə́ nə́ mbîə, ńdaŋ ə́lɨ́d ənɔ pɨ tíʼə ńgyǐəə á mə́ zóʼ nə́ atséebə ajíə, a kə̈ ńtû ńtsóʼə ághóobə́