Popular Bible Verses from मरकुस 4

Deildu

ताह़लू यीशुयैं उठी नैं तफाने जो झिड़केया, कने पांणिये दियां लैहरां जो ग्लाया, “डोल रेह्आ, रुकी जा।” कने तफान रुकी गेआ कने बड़ी सांति होई गेई। कने यीशुयैं चेलेयां नैं ग्लाया, “तुहां क्जो डरा दे हन? क्या तुहां जो अह्ल्ली तिकर बसुआस नीं होएया?”

कने सैह़ बड़े डरी गै कने अप्पु च ग्लाणा लग्गे, “एह़ कुण माणु ऐ, कि तफान कने पांणिये दियां लैहरां कने दुष्टआत्मां भी इसदे हुक्मे दा पालण करदियां हन।”

कने यीशु अप्पु किस्तिया दे पचांह़ आल़े हिस्से च सुतेया था। ताह़लू चेलेयां यीशुये जो जगाई करी तिस नैं ग्लाया, “हे गुरू क्या तिज्जो अहां दी फिकर नीं कि अहां डुबी चलेयो हन?”

भिरी यीशुयैं तिन्हां जो ग्लाया, “चौकन्ने रेह्आ, कि क्या सुणदे हन? जितणा जादा ध्याने नैं तुहां सुणगे, परमात्मा उतणी जादा अक्ल तुहां जो दिंगा, बल्कि तुहां होर भी जादा समझी सकगे।

भिरी यीशुयैं ग्लाया, “परमात्मे दा राज ऐदेया ऐ, जिंआं कोई माणु धरती पर बीई बांदा, कने सैह़ राती सोंदा ऐ, कने दिने कम्म करदा ऐ, कने तिसियो पता भी नीं लगदा कि सैह़ बीई काह़लू लूंगे कने बड्डे होई गै।

जेह्ड़े समझी सकदे हन, तिसियो ध्याने नैं सुणन कने मन्नी भी लैन।”