Popular Bible Verses from लूका 9

Deildu

यीशु सबना नैं ग्लाणा लग्गा, “जेह्ड़ा कोई मिन्जो पचांह़ औणां चांह़दा, सैह़ अपणियां इच्छां जो छड्डी करी कने हर-रोज अपणे दुखां कने कष्टां दिया सूल़िया चुक्की नैं, मेरे पचांह़ चली पोयैं।

क्जोकि जेह्ड़ा कोई अपणे प्राण बचाणा चांह़गा सैह़ अपणे प्राण गुआंगा, अपर जेह्ड़ा कोई मिन्जो तांई अपणे प्राण गुआंगा सैह़ अपणे प्राण बचांगा।

यीशुयैं तिस नैं ग्लाया, “जेह्ड़ा कोई माणु अपणे खेतां बांदे बग्त पचांह़ दिक्खदा ऐ, सैह़ परमात्मे दे राज्जे जोग्गा नीं ऐ।”

जेह्ड़ा माणु सारे संसारे जो हासल करणे तांई अपणे प्राणा जो गुआई दैं, या तिसदा नकसान भुकतैं, तां तिसियो क्या फायदा हुंगा?

जेह्ड़ा कोई मिन्जो ते कने मेरियां गल्लां ते सर्मांगा, मैं माणुये दा पुत्तर भी, जाह़लू अपणी कने अपणे पिता दी कने पवित्र सुअर्गदूतां दी महिमा सौगी ओंगा, तां तिसते भी सर्मांगा।

यीशुयैं तिस नैं ग्लाया, “गीदड़ीं दियां झोरीं कने अम्बरे दे पंछियां दे अल्ले हुंदे हन, अपर मैं माणुये दा पुत्तर होई नैं भी मिन्जो अल्ल रैहणे तांई घर नीं ऐ।”

कने तिन्हां जो ग्लाया, “जेह्ड़ा कोई मेरे नांऐ ते इस जागते जो अपनांदा ऐ; कने जेह्ड़ा कोई मिन्जो अपनांदा ऐ, सैह़ मेरे घल्लणे आल़े जो अपनांदा ऐ, क्जोकि जेह्ड़ा कोई तुहां च सबना ते छोटे ते छोटा ऐ, सैई बड्डा ऐ।”