Popular Bible Verses from लूका 22

Deildu

“हे पिता, जे तू चां तां इस दुखे दे बग्ते जो मिन्जो ते दूर करी दे, भिरी भी मेरी नीं अपर तेरी ई इच्छा पूरी होयैं।”

अपर मैं तिज्जो तांई परमात्मे नैं विणती कित्ती, कि तेरा बसुआस मिन्जो ते चली नीं जां; कने जाह़लू तू मने बदलें तां अपणे भाऊआं जो भी मिन्जो पर बसुआस करणे तांई मजबूत कर।”

भिरी तिन्हीं रोटी लेई, कने परमात्मे दा धन्यावाद करी नैं तोड़ी, कने तिन्हां जो एह़ ग्लाई नैं दित्ती, “एह़ रोटी मेरा सरीर ऐ, जेह्ड़ा तुहां तांई दित्ता जांदा ऐ, मेरिया यादा तांई ऐई करा-करा।”

इस तरीके नैं तिन्हीं खाणे ते बाद अंगूरा दे रसे दा कटोरा भी एह़ ग्लाई नैं दित्ता, “एह़ अंगूरा दे रसे दा कटोरा मेरे तिस खूने च जेह्ड़ा तुहां तांई बहाया जांदा ऐ, नौआं वादा ऐ।

सैह़ बड़िया मुसीबता ते व्याकुल होई नैं होर भी जोरे नैं प्रार्थना करणा लग्गा; कने यकिन करा कि तिसदा पसीना खूने दियां बड्डियां-बड्डियां टिप्पियां साइआं धरतिया पर पेआ।

अपर तुहां ऐदेय मत हुंदे; अपर जेह्ड़ा तुहां च बड्डा ऐ, सैह़ लोक्के साइआं कने जेह्ड़ा प्रधान ऐ, सैह़ दासे साइआं बणैं।

यीशु ग्लाणा लग्गा, “ओ पतरसा, मैं तिज्जो नैं ग्लांदा ऐ कि अज्ज कुक्ड़े दे बांग दैंणे ते पैहल्लैं तैं त्रै बरी मिन्जो पणछैणने ते मुकरना कि तू मिन्जो नीं जाणदा।”