Popular Bible Verses from लूका 17

Deildu

ताह़लू तिन्हीं तिस नैं ग्लाया, “उठी करी चली जा; तेरे बसुआसैं तिज्जो खरा कित्ता ऐ।”

जे दिन भर च सैह़ सत बरी तेरा अपराध करैं कने सत बरी तिज्जो अल्ल आई नैं ग्लां, कि मैं पछतांदा ऐ, तां तिसियो माफ कर।”

ताह़लू तिन्हां च इक्की एह़ दिक्खी नैं कि मैं खरा होई गेआ ऐ, जोरे नैं परमात्मे दी महिमा करदा-करदा बापस हटी आया; कने यीशुये दे पैरां पर मुँऐ भार पेई नैं तिसदा धन्यावाद करणा लग्गा; कने सैह़ सामरी था।

चौकन्ने रेह्आ; जे तेरा बसुआसी भाऊ अपराध करैं तां तिस जो समझा, कने जे पछतां तां तिसियो माफ कर।

इसा गल्ला पर यीशुयैं ग्लाया, “क्या दस्सां दे दस खरे नीं होये, तां भिरी सैह़ नौ कुत्थू हन?

प्रभुयैं ग्लाया, “जे तुहां जो राईया दे दाणे बराबर भी बसुआस हुंदा, तां तुहां इस सहतूत दे रूखे नैं ग्लांदे हन कि जड़ा ते पटौई करी समुंदरे च लग्गी जा, तां सैह़ तुहां दी मन्नी लैंदा।

जेह्ड़ा कोई अपणे प्राण बचाणा चांह़गा सैह़ अपणे प्राण गुआंगा, कने जेह्ड़ा कोई अपणे प्राण गुआंगा सैह़ अपणे प्राण बचांगा।

भिरी यीशुयैं अपणे चेलेयां नैं ग्लाया, “एह़ होई नीं सकदा कि मुसीबतां नीं ओन, अपर हाय, तिस माणुये पर जिसदिया बज़ाह ते सैह़ ओंदियां हन। जेह्ड़ा इन्हां लोक्केयां च कुसी इक्की ते पाप करवांदा ऐ, तिसियो परमात्मा सज़ा दिंगा, अपर परमात्मे दिया खतरनाक सज़ा ते एह़ खरा कि बड्डे घराटे दा पुड़ तिसदे गल़े च लटकाई करी सैह़ समुंदरे च सट्टी दित्ता जां।

“जिंआं नूह दे दिनां च होएया था, तिंआं ई माणुये दे पुत्तरे दे दिनां च भी हुंगा। जिस दिन तिकर नूह जाह्जे पर नीं चढ़ेया था, तिस दिन तिकर माणु खांदे पींदे थे, कने तिन्हां च ब्याह हुंदे थे। ताह़लू जल-प्रलयै आया कने तिन्हां सबना जो खत्म करी दित्ता।