Popular Bible Verses from प्रेरितां दे कम्म 1

Deildu

अपर पवित्र आत्मा तुहां पर ओंगा ताह़लू तुहां सामर्थ पांगे; कने तुहां यरूशलेम सैहर कने सामरिया प्रदेसे कने सारे यहूदिया प्रदेस च, कने पूरे संसारे च मेरे गवाह हुंगे।”

तिन्हीं तिन्हां नैं ग्लाया, “तिन्हां बग्तां या कालां जो जाणने दी जरूरत तुहां जो नीं ऐ, कि सैह़ गल्लां काह़लू हुंगिया, क्जोकि तिन्हां गल्लां जो पितैं अपणे हक्के च रखेया ऐ।

तिस बग्त जाह़लू सैह़ किठ्ठे थे, तिन्हीं मिल्ली करी तिन्हां जो हुक्म दित्ता, “यरूशलेम सैहरे जो मत छड्डा, अपर मेरे पिता दे तिस वादे जो पूरे होणे दा इन्तजार करदे रेह्आ, जिसदी चर्चा तुहां मिन्जो ते सुणियो। क्जोकि यूहन्ने तां पांणिये च बपतिस्मा दित्या ऐ, अपर थोड़ेयां दिनां बाद परमात्मा पवित्र आत्मा घल्लगा, तांजे जेह्ड़ा तुहां अंदर रैंह्।”

यीशुयैं अपणे दुख झेलणे कने मौत्ती दे बाद बड़े पक्केयां सबूतां नैं अपणे आप्पे जो जिन्दा दस्सेया, कने चाल़ियां दिनां तिकर सैह़ चेलेयां जो दुस्सदा रेह्आ, कने परमात्मे दे राज्जे दियां गल्लां करदा रेह्आ।

एह़ ग्लाई नैं तिन्हां दे दिक्खदे-दिक्खदे यीशु सुअर्गे जो चली गेआ, कने बदल़ां दिया बज़ाह ते सैह़ तिसियो दिक्खी नीं सके।

तिसदे जांदे बग्त जाह़लू सैह़ अम्बरे बक्खी दिक्खा दे थे, तां दिक्खा चाणचक दो माणु चिट्टेयां कपड़ेयां लाई करी तिन्हां अल्ल आई खड़ोते, कने तिन्हां नैं ग्लाणा लग्गे, “हे गलीली माणुओ, तुहां क्जो खड़ोई करी अम्बरे बक्खी दिक्खा दे हन, ऐई यीशु जिसियो परमात्मा तुहां दे सामणै ते सुअर्गे जो चुक्की नैं लेई गेआ ऐ, जिस तरीके नैं तुहां तिसियो सुअर्गे च जांदे दिख्या ऐ, तिस ई तरीके नैं सैह़ भिरी ओंगा।”