Popular Bible Verses from Joni 6

Deildu

Jesu wakati, “Ndime cinkwa cipa buumi. Kufumbwa muntu uuza kulindime takooyoofwa limbi nzala, ayooyo uusyoma mulindime, takooyoofwa limbi nyota pe.

Muuya Uusalala nguupa buumi butamani. Muntu takonzyi kuba abuumi oobu lwakwe mwini pe. Majwi aaya ngemwaambila ngaaleta Muuya wa Leza uupa buumi.

Mutalikutandili zilyo zimana buyo, kamutandila zilyo zikkalilila kusikila kubuumi butamani. Eezi nzezilyo nzyayoomupa Mwanaa Muntu. Nkaambo ngonguwe Leza Taata ngwakazumizya.”

Nkaambo ziyanda Taata nzyakuti kufumbwa uubona mwana akumusyoma abe aabuumi butamani, eelyo mebo ndiyoomubusya mubuzuba bwamamanino.”

Jesu wakati, “Leza ncayanda nkuti musyome muli yooyo ngwaakatuma.”

Pele boonse aabo mbandipa Taata balaza kulindime, nkabela kufumbwa uuza kulindime nsikoomutanda pe.

Saimoni Pita wakaingula kuti, “O Mwami, ino inga swebo twaya kulini? Yebo nduwe oojisi majwi aabuumi butamani.

Ndime cinkwa cipa buumi cakazwa kujulu. Inga muntu naa wacilya ulapona kukabe kutamani. Alimwi cinkwa eeco nceyoopa mmubili wangu kutegwa bantu munyika mboizulwa babe aabuumi.”

Taakwe uukonzya kuza kulindime ccita kuti Taata wakandituma waba nguumukwelela kulindime. Eelyo ambebo ndiyoomubusya mubuzuba bwamamanino.

Cilyo cipa Leza nguyooyo uuzwa kujulu, walo uupa buumi kubantu bamunyika mboizulwa.”

Ndime cinkwa cipa buumi.

Mpoonya Jesu wakabweza zinkwa eezyo, naakamana kulumba wakazyaabila baabo bakakkede. Atwalo tuswi mbubonya. Boonse bakalya akukkuta. Bamane kukkuta, Jesu wakalailila basikwiiya bakwe kuti babwezelele bufwefwelenga boonse bwakasyaala nibakalya bantu kutegwa kubule cilyo cinyonyooka.

Basikwiiya nibakakwasula bwato kwamusinzo uuli mbuubede bakabona Jesu uzabweenda amaanzi kazabuswena aafwiifwi abwato bwabo. Bakayoowa kapati. Jesu wakati kulimbabo, “Ndime, mutayoowi.”