Popular Bible Verses from Joni 14

Deildu

“Ndamusiila luumuno. Ndamupa luumuno lwangu. Taluli mbuli luumuno oolo bamunyika ndobapa pe. Aboobo myoyo yanu itapengi nikuba kuyoowa.

Mpoonya Jesu wakati kulinguwe, “Mebo ndime nzila, ndime bwini, alimwi ndime buumi. Taakwe muntu uukonzya kuya kuli Taata ccita kwiindila mulindime.

“Myoyo yanu itapengi. Amusyome muli Leza, alimwi musyome amulindime.

Pele asika Mugwasyi, Muuya Uusalala, ooyo ngwatikatume Taata muzina lyangu, uyoomwiisya zintu zyoonse, akuzoomwiibalusya zintu zyoonse nzendakamwaambilide.

Ooyo uutambula milawo yangu akwiitobela nguundiyandisya. Nkabela ooyo uundiyandisya awalo uyooyandwa kuli Taata, ambebo ndiyoomuyandisya akulitondezya lwangu kulinguwe.”

Ndiyookomba kuli Taata kutegwa akamupe uumbi Mugwasyi uutikakkale andinywe lyoonse. Ooyo ngo Muuya wiisya zyabwini. Bamunyika ngobatakonzyi kutambula nkaambo tabamuboni nikuba kumuziba pe. Nywebo mulimuzi nkaambo ukkede anywebo, alimwi uyookkala mulindinywe.

Kufumbwa ncomuyookumbila muzina lyangu ndiyoomucitila kutegwa Taata akalemekezegwe mu Mwanaakwe. Coonse ncomutikumbile muzina lyangu, ndiyoomucitila.

“Naa kamundiyanda, mubambe milawo yangu.

Muŋanda ya Taata muli makkalilo manji, nikwatali boobo nindatamwaambila. Ndainka kuti nkamubambile masena.

Ndaakumana kumubambila masena, ndiyooboola alimwi kuti ndizoomutole ooko nkwebede, kutegwa ooko nkwebede, anywebo mukabe nkuko.

Tomasi wakati kulinguwe, “O Mwami, tee tatuzi ankoya, ino inga nzila twiiziba buti?”