Popular Bible Verses from Joni 12

Deildu

Naa muntu kayanda kundibelekela, uleelede kunditobela, nkabela ooko nkwebede awalo mubelesi wangu uyoobako. Naa muntu wandibelekela unoolemekwa kapati a Taata.

Ooyo uuyandisya buumi bwakwe uyoobusweekelwa, pele ooyo utayandisyi buumi bwakwe bwamunyika muno uyooba abuumi butamani.

Ncobeni, ndamwaambila masimpe kuti, naa nseke yamaila kiitalokeli muvu kutegwa ifwe, inga inookkede lyoonse kiili yomwe buyo. Pele kuti naa yafwa muvu, inga iyoozyala zimwi zinji.

Ndakasika munyika akuba mumuni wayo, kutegwa kufumbwa uundisyoma ateendi mumudima.

Kufumbwa uumvwa majwi aangu wamana kataabambi, nsimuzuli pe, nkaambo tiindakazida kuzoobeteka bantu, ndakazida kuzoobafutula.

Mpawo Maliya mucizi wa Lazalo wakabweza kasazi kamafuta aatalidulili, alimwi aakabambwa ansende iini-ini iinunkilila kabotu, wakananika zituta zya Jesu akuzisyoba amasusu aakwe. Eelyo ŋanda eeyo mubakabede yakazula kununkilila kubotu kwamafuta aayo.

Bakatema malala akuunka kuyoomucinga. Bakali kuya bwiimba cakupozomoka kabati, “Aalumbaizigwe Leza! Ulilelekedwe ooyo uuboola muzina lya Mwami Leza, nguwe Mwami wa Isilayeli!”

Jesu wakati, “Ciindi casika cakuti Mwanaa Muntu alemekwe.