Popular Bible Verses from Matewu 10

Deildu

Vonani, nimirhuma na mifana ni tinyempfu xikarhi ka mahlolwa; hi kolaho ke tlharihani kufana ni tinyoka, miva lavorhula kufana ni svituvana.

Lweyi alavaka kutihlayisela vutomi bza yena, atalahlekeliwa hi bzona; kambe lweyi alahlekeliwaka hi vutomi bza yena hikolaho ka mina, atabzikuma.

Mingatshukeni michava lavadlayaka miri, na valihava matimba yodlaya moya; kambe chavani lweyi anga ni matimba yolovisa moya ni miri wa munhu Tiheleni.

Nasvona, lweyi angatekiki xihambanu xa yena anilandza anganifaneli.

Mani na mani lweyi angatanivula mahlweni ka vanhu, na mina nitamuvula mahlweni ka Tatana wa mina lweyi anga matilweni. Kambe mani na mani lweyi angatanilandzula mahlweni ka vanhu, na mina nitamukaneta mahlweni ka Tatana wa mina lweyi anga matilweni.

Hanyisani lavavabzaka, mipfuxa vafi, mibasisa va nhlokonho, mihlongola madimoni. Minyikiwile mahala; na n'wina, nyikani mahala.

Hikolaho mingachaveni; n'wina mitlula svindzingiri lesvotala hi risima.

Mingatshukeni mipimisa lesvaku nitile kutisa kurhula misaveni; kambe, nitisa tlhari, kungali kurhula.