Popular Bible Verses from Kîam 3

Deildu

Mûka aroona atî mûtî jûu nî jwaarî jûmwega jwa kûrîîwa, na nî jwaarî jûmûthongi jûkîonwa, na nî jwaarî jwa kwirîrîîrua nîûntû bwa kweejanaga ûûme. Aratua îtunda rîa mûtî jûu ararîa na aratua rîngî aranekeeria mûkûrû waawe nawe ararîa.

Njoka nî yaarî na ûûme bwa waayia nkûrûki ya nyamû ingî cionthe irîa MWATHANI Mûrungu oombîte. Nayo nî yoorîrie mûka atîrî, “Ee nîka Mûrungu abuîrîte, ‘Bûkororîa matuunda ja mûtî kinya jûrîkû jwa îrîa îrî muundeene jûjû?’”

Ngeekîra ûthû gatîgatî gaaku na mûka, na gatîgatî ka mbeeû yaaku na mbeeû ya mûka. Mbeeû ya mûka îgaakûringa kîongo, naagwe ûkaamîrûmaga gîtakino.”

Rîu MWATHANI Mûrungu areera mûka atîrî, “Ngaakwingîîria rwakaî rwaaku ûkîewa mwana; ûkaagîîjaga twaana ûrî na rwakaî rûrûnene. Îndî kinya kûnarî ûu, ûkairîragîîria mûkûrû waaku, nawe agaakwathaga.”

Ûrîtua kwonaga irio biaaku wambîte kûnoga, mwanka rîrîa ûgaacoka mûthetuune, nîkwîthîrwa nîku waaritîrwe. Tontû bûû, gwe ûrî mûthetu na nîku ûgaacoka.”

Ningî MWATHANI Mûrungu areera Adamu ûjû, “Tontû nî ûrathikîrîîre nteto cia mwekûrû waaku, warîa îtunda rîa mûtî jûrîa ndaagûkaanîrie ndakwîra, ‘Ûkororîa îtunda rîa mûtî jûu,’ nandî nthî nî îndume nîûntû bwaaku. Ûrîtua kûrîîjaga into bia nthî biumanîtie na mînoga ntukû cionthe cia ûtûûro bwaaku.

MWATHANI Mûrungu aramûûria, “Nûû ûkwîrîre ûrî kîthûnû? Nîka ûrîîre îtuunda rîa mûtî jûrîa ndaagûkaanîrie?”

Akûbeenga, nî eekîre akerubimu rûteere rwa gaiti rwa muunda jwa Edeni, barî na rûchiû rûgwakana mwanki. Naru rwagarûkaga nteere cionthe nîkenda rûkaria njîra ya gwîta mûtîîne jwa mwoyo.

Adamu areeta mûka waawe Hawa, tontû nîwe waarî ng'ina wa barîa bonthe barî mwoyo.