Popular Bible Verses from JOHANA 6

Deildu

Nake Jesu akĩmera atĩrĩ, Nĩ niĩ mũgate wa muoyo; mũndũ ũũkĩte kũrĩ niĩ ndakahũta, na mũndũ wĩĩ’hokete, niĩ, ndarĩ hingo akanyota.

Roho-rĩ, nĩguo wĩkanagĩra muoyo; mwĩrĩ ndũrĩ ũguni; ndeto icio ndamũhe nĩcio roho na nĩcio muoyo.

Tigagai gũtungatĩra irio iria ithiraga; tungatagĩrai irio iria ciikaraga nginya muoyo wa tene na tene, iria Mũrũ wa Mũndũ akamũhe; amu nĩwe mwĩkĩre mũhũri nĩ Ithe, Ngai.

Amu ũrĩa Awa ekwenda nĩ atĩrĩ, atĩ mũndũ o wothe ũrorete Mũriũ, na akamwĩhoka, agĩe na muoyo wa tene na tene; na niĩ nĩngamũriũkia mũthenya wa kũrigĩrĩria.

Nake Jesu agĩcokia akĩmera, Wĩra wa Ngai nĩ rĩrĩ, nĩ mwĩhoke ũrĩa areketie.

Arĩa othe Ithe witũ a’heete no magoka kũrĩ niĩ; na mũndũ ũũkĩte kũrĩ niĩ ndingĩmũingata o na atĩa.

Nake Simoni Petero akĩmũcokeria atĩrĩ, Mwathani, tũgĩthiĩ kũrĩ ũ? Wee wĩ na ndeto cia muoyo wa tene na tene.

Nĩ niĩ mũgate ũrĩa waikũrũkire uumĩte Igũrũ, wĩ muoyo; mũndũ aarĩa mũgate ũyũ, agatũũra tene na tene; na mũgate ũrĩa ngakĩruta nĩ mwĩrĩ wakwa, ndĩũrute nĩ ũndũ wa muoyo wa kĩrĩndĩ.

Gũtirĩ mũndũ ũngĩhota gũũka kũrĩ niĩ atagucĩrĩirio nĩ Ithe witũ ũrĩa wandekirie; na niĩ nĩngamũriũkia mũthenya wa kũrigĩrĩria.

Amu-rĩ, mũgate wa Ngai no ũrĩa ũikũrũkaga uumĩte Igũrũ, ũgekagĩra kĩrĩndĩ gĩa thĩ muoyo.

Nĩ niĩ mũgate wa muoyo.

Nake Jesu agĩkĩiyũkia mĩgate ĩo, na aarĩkia gũcokeria Ngai ngatho, akĩgaĩra andũ acio maaikaire thĩ; o na ciũngũyũ nacio o ũndũ ũmwe, akĩmahe ciigana o ũrĩa mekwenda. Na maahũna, akĩĩra arutwo ake, Oyai cienyũ iria itigarĩte, gũtikore kĩndũ.

Na maarĩkia gũtwara marikabu handũ haigana ta mairo ithatũ kana inya-rĩ, makĩona Jesu agĩũka agĩkinyaga maĩ igũrũ agathengerera marikabu; magĩĩtigĩra. Nake akĩmera atĩrĩ, Nĩ niĩ; tigai gwĩtigĩra.