Popular Bible Verses from YOANƐ 14

Deildu

“Mi hã gɛ̃a sila hã nɛ, mi la gɛ̃a sila kɛ mi do ma ni hã nɛ. Mi hã̀ ma ɔ nɛ kɛ winɔ nù gɛ wa hã ma ni gɔ. Kɔ dɔ sila nɛ ɔ́ ngɔ gɔ, nɛ kili tɛ bà nɛ gɔ.

Nɛ Yezu gese hã a na: “Mi a li wala kɛ ma la dɛ 'da Baa mi, nɛ mi a wele gbãlã we do wele kpasi. Wele wè tɛ hɔ 'da Baa mi iko gɔ, tati a do wala 'da mi sɛ nɛ de.

Nɛ Yezu tɔ̃ hã wa na: “Dɔ sila nɛ ɔ́ ngɔ gɔ. Nɛ ɔ́ do kɔ̃a we dɛ 'da Gale, nɛ nɛ ɔ́ 'bɔ do kɔ̃a we dɛ 'da mi.

Nɛ 'do nɛ, nɛ Hi Wi Santo, Wi gbaka wi kɛ Baa mi a tombo sɛ a do zu li mi ni, a be sɛ mɛnɔ vɛ̃ hã nɛ, nɛ a gba sɛ 'bɔ ta zu nɛ ngɔ wenɔ kɛ mi tɔ̃a zi hã nɛ ni vɛ̃.

“Wele kɛ a zele mbulanɔ 'da mi, kɔ a dɛ ma, nɛ nde wi kɔ̃ gɛnɛ mi a ni. Nɛ Baa mi a kɔ̃ sɛ gɛnɛ wi kɛ a kɔ̃a mi ni, nɛ mi kɔ̃ sɛ tɛ mɛ 'bɔ gɛnɛ wi ni, nɛ mi be sɛ tɛ mi hã a.”

Nɛ mi aka sɛ Baa mi, nɛ a tombo mbé Wi gbaka wi hã nɛ olo mi, nɛ a 'bana sɛ do nɛ fai. Wi a Hi Wi Santo kɛ a be gulu gbãlã we hã winɔ. Winɔ nù gɛ wa wé sɛ we kpa Hi Wi Santoe ni gɔ, we kɛ wa zɔ́ a gɔ, nɛ wa ĩ́ 'bɔ ti a gɔ. Nɛ nde nɛ, nɛ ĩ ti a, we kɛ a do nɛ fala nɛ kpo, nɛ a ɔ sɛ 'bɔ dɛ kɔ nɛ.

Mɛnɔ vɛ̃ nɛ aka Baa mi we nɛ do zu li mi ni, mi dɛ sɛ ma, takɔ Baa mi kpa dɔ̃lɔ̃ li do wala 'da mi. Nɛ gɛnɛ kɔ mɔ ge nde, kɔ nɛ gɔ kɔ̃ mi do zu li mi, nɛ mi hã sɛ ma hã nɛ.

“Fala kɛ nɛ kɔ̃ gɛnɛ mi, nɛ nɛ dɛ sɛ mbulanɔ 'da mi.

Kɔ tɔa 'da Baa mi i, fala ɔi dɛlɛ wena. Ma ɔ̃ sɔ ni gɔ, nɛ nde mi tɔ̃́ sɔ 'bɔ hã nɛ gɔ. Mi nɛ nɛ we 'dafa fala hã nɛ.

Kɔ mi nɛ, hã mi 'dafa fala hã nɛ do'do, nɛ mi kpolo sɛ 'bɔ tɛ mi, we kala nɛ si do nɛ dɛ fala mi do ma ni, takɔ nɛ ɔ tɛ mɛ 'bɔ dɛ di ni.

Nɛ Toma aka a na: “Nwa, lɛ ĩ̀ ti fala mɔ nɛ la dɛ tɛ nɛ ni gɔ, kɔ lɛ nɛ dɛ fala ĩ ti li wala nɛ nɛ nde?”