Popular Bible Verses from Kejadian 22

Deildu

Asogo narlik ebesirik e, o eba onuk e, disogo tualegei, “Nenaik ’gain Onuk Logo a’ge en, aphwami di a’ge yu a’ge erlak en mia oruakma hwiagentasumu o,” oluk onuk tualegei. Asogo tualegeimu, hwerli yogodak en ogo re, “Nenaik owi duk pam aphwami di a’ge yu a’ge erlak en mia oruakma hwiagentasumu,” oluk ogwiat o.

Allah en e, “Homlogo Ishak mesigat dogo hede hwedik a’ge aiyat woluk e, o Moria lak o. Eba lagun holuk, an en duk mesik hwiakheikmu, eba homlogo ai an nebaget wusogo odouk narlnorogun o,” oluk mo’gulesi.

“Hat homlogo ai e’gik tenak poluk disogo yusogo mesik togun no yo,” oluk malaikat en mo’gulesi ai ebe re, Nenaik ’gain Onuk Logo a’ge en mo’guleselat mesik disogo mo’gulesi, “Hat homlogo mesigaratma re, hedeap po erlakma enat, an wokneigoluk tigen ai en, hat en an nebe hogorlogap nebegentik niak hologo tigen ai en hat hebabut yogodak en an arat naluk aga o,” oluk mo’gulesi.

Asogo mo’gulesimu, at Abraham en e, “Allah u’gwarek en domba emalik mesik hwiaknontouwa o,” oluk mo’gulesirik emin ’bekhit legesa.

An en pobuk-naduk loksogoat obap hebiselat, hat en dogo’gwe a’ge enebe hwesagal ’bogorl pam a’bik welago ai ’gela’ge emin, ik al ik laut esa’go’gwe welago ai ’gela’ge emin, modok a’bik emagoluk takhebasulat, he’balak en eneselei a’ge mabenap enebasu lemagoluk takhebasulat, tik o. An en, Asogo tip, oluk mo’gulhegis a’ge niak hologoat tigen ai en, aphwami ’gwiangma a’ge ena’gul onuk lo’bok ’berlegat, an en hat en dogo’gwe a’ge obap enebise lema ai ’gela’ge, is obap onobuagoluk, ’gonu mo’gulnema o, oluk egei,” oluk malaikat ano en mo’gulesi.

Agauwa pema emin welegesarik en, Allah en Abraham ebabut ’baligoluk, “Abraham,” oluk worlhesimu, at Abraham en e, “I? Naik. Nebe welegi o,” oluk mo’gulesimu

Asogo werigoluk tisoma, malaikat Nenaik ’gain Onuk Logo a’ge en yo’go ’belagonobou wago a’ge mesik iak ’bogorl pam en disogo mo’gulesi, “Abraham, Abraham,” oluk mo’gulesimu, at Abraham en e, “I? Naik,” oluk mo’gulesimu, at en e

Pobuk malaikat Nenaik ’gain Onuk Logo a’ge en yo’go ’belagonobou wago a’ge ano ’bogorl pam en Abraham disogo mo’gulesiat, “Nenaik ’gain Onuk Logo a’ge en e, Hat en homlogo mesigat a’ge hedeap po erlakma enat an wokneigoluk tigen ai en, an nu’gwarek nonuk ho’buk ’balogo wene disogo mo’gulheik.

Is ano laga legesarik, o Allah en Abraham hwiagesimu ano arat legesarik, Allah paget mesik wusogo narloummu ebale heli’gogo pesirik, o’borl pam e ’berlasogo pesi. Asogo pesirik, omlogo ano e’gik herle wusogo re, e ’berlarak a’ge ano pam ’boutak pesi.