Popular Bible Verses from MATIUS 24

Deildu

Peu abuma kidaa tijake kouja me wedaba ipa dimi ko beu kidaa tai. Kodeja meija wiwitiida to bida peu tomakipi ko, ajii taitagi.

Daana Ugatameja jakimakita makiida ka ajii mana kodo uwoje makije ugo uwikumiitai, me tuma tumaija jawegaate. Tijake wiwitiida kodo kaita.

Daana jape makeete ma, jape mana ma ikii juwiita. Kodeja gootoki te tai. Ewaa kidaa tai beu kai peu kouja; kodeja kou ko wiwitiida ko beu gaa.

Me tumaana ka tumaana ma akaije akaate taitai, daana jakimakita makiida ka joko ka jakimakita makiida ma akaije. Kiida kouda naidi uwa ma, maki pigi ma potu tidaa taita. Okai kou ko gaagaa agijoudo edoga makidaa.

Epa ma maki ma beu kaita, kodeja anija mana beu te kaita.

Me wedaba aneeka dubaiga meitai kouja, wegaate mana, ’Ani ki Keristus kidi,’ daana okei me wedaba uneune etijawiitai.

Okai kou gaa kodo peepu kitaine keekegajawijake kigimakaitai. Daana me tuma tumaija aneeka maida make be kigaitai. Tijake me wedaba duwaa-duwaa tijake me idaana ka me idaana eekegajawii ma, be akaga dimi ma. Puja mana wude-tai bagee ewaa kijake me wedaba uneune etijawiitai.

Tijake Jesus wo eteete mana, „Epeepite gai, me ka uneune ti kitijawe-tita.

Okai kouja ikii na epeepi timakai. Ikii ewouda gaa me Joka meitagi kojoka.

Okai kouja ikii doutou to tai, ikiija Tuhan meitagi naago ikii ewo kouja.

Kodeja kou naago juwa, kou wagi juwa, me idaana ma epi beu, epaawado ka jaetigo-tai bagee na beu, Jokame na beu, kodeja Nakame to.

Keristus puga ma, puja mana wude-tai ma ewaa kidaa tijake ibo dou beu agijo ma, ego takuu-takuu agijo ma ewaa awiitai, ewitokita bagee maija uneune etijawiipage, mee? gajake.

Nu tota wagiida danite, okai kou dani me Joka meitagiida maija. Uwo degii beu gaa kodaa okei nogoo ma, waka bukii ma, waka eumai ma, Nu owaa jago komaida matakitaida to. Daana dimi te gajake uwo pegemijake beu eewita gaa to. Okai kou dani me Joka meitagiida maija.