Popular Bible Verses from Matius 5

Deildu

Nen, akoni nen isagal yibarlogo sogorluwak abera sebelogo ʼbiligogi degat. Iyok ndilik oba dukogo ʼbisinem akoni uma dogoligogo mende inebe taʼbokogonat liyarinabigogo. Eti kak, kit pano kagakonem, it amberek nen, It pano kagarigogi, yiluk kinombae mbogot oba mende etnogo pogorasuwak nen, kit akoni iniloba eti kagat liyarogo dogoni o,” yiluk yogisasike.

Nen, akoni agat oba yoma taʼbokogonat liyarinako lagap mende kirat werek o. O unggul omanggi ndom unggul ebe paga palek mende limak lasusak erlok dek o.

Nen, akoni inendainggen omanggiat nggaʼberek mondok dogoligogo mende eti, yabunggane Allah ebe inilenggen kugun eti paga, inakla arlenggen kasi dogusagat o.

Nen, akoni kimbiri inom, i inom, abu arigogi kak, Allah akla ambaligogo mende nggogut diluk mot mondok kagasu warlok ambaligogo mende eti, kimbiri inaʼit togo niligogi kak, yabunggane Allah nen inakla warlok ambiligogi ndak-ndagat wogisagin eti paga, inakla erlenggen kasi dogusagat o.

Esigit diluk mende, an nen wene omanggi yi yokisak. At ninombae Allah mbogot oba mende mo indewerek dogolik agat oba liyarogo akoni inobabut weyak mende inom, pano mende inom, taʼbokogonat inake yaʼbiyigik, nen, miyo wusa ʼbi wirigogo eti, it mot-mot kagarigogi mende inom, nggorlo kagarigogi mende inom, taʼbokogonat inake wusa ʼbi wagik, kagarigogo eti kak, kit kinombae Allah mbogot oba mende aʼburiat asubagik nen yiluk, akoni kinom agorek mende eti inaʼbuwarinako dogolik, it weyagat kinabigogi mende eti, Allah nen panorinabuwagaluk, it inake sembayan yisi dogoni o.

“Akoni inakla nen, An Allah il oba, ebe mende ake ninggidek werek, yiluk ambiligogo mende eti, nggok mbogot oba mende apma ʼbiyiligogoma etoma inde werek irat eti paga, inakla arlenggen kasi dogusak o.

Nen, akoni inom weyak werekma, it amberek nen dambulogo ʼbiyiligogo mende eti, at Allah nen, Yi an naʼburiat o, yiluk yogisagin eti paga, inakla arlenggen kasi dogusagat o.

Nen, akoni inakla wiyik-weyakogo dogoligogo mende eti, Allah nen inendainggen sebeligin eti paga, inakla arlenggen kasi dogusak o.

Nen, akoni nen Allah akla ambaligogo mende nggogot disinem, it amberek nen weyagarinabigogo mende eti, nggok mbogot oba mende apma ʼbiyiligogoma etoma indewerek irat asugun eti paga, inakla arlenggen kasi dogusagat o.

Nen, akoni inebe inaʼbuwarogo dogoligogo mende eti, ninombae nen it inaʼbuwarinabigin eti paga, inakla arlenggen kasi dogusagat o.

Kit awan werek nggorlek, paganeat it ap Allah wene yogisasi laguka mende weyagarinako laguka kak, kit an nebe nake, it akoni amberek nen mbet kisigik, weyagat kinakik, inenggalat kinabok mbalko dogolik, yi weyak ndi weyak kinoba ʼbigik, kagako kalok, kinakla arlenggen kasi dogusak o. Yabunggane ninombae mbogot oba mende nen onggo nggok mende woknisagin yiluk, kinakla pano agik, arlenggen kigik, nggokogo kagako dogono,” yiluk yogisasike.

Nen, akoni inobabut enago dogoligogo mende eti, Allah nen abok yoknisasike eti, irat inde asugun eti paga, inakla arlenggen kasi dogusagat o.

Wene esigit diluk yogisasikesik nen, “Akoni yoma taʼbokogonat inake, iluge kak kirat werek o. Mende, iluge eti aik dek ago kalok, nena mende paga aik weregerasusak ambegep? Dek o. Aik weregerasusak mondok dek nen, mbulelogo laʼbiyiligogoma akoni iniyok nen ndamelogo laʼbiyiligogi o.

Eti paga, ninombae Allah mbogot oba mende obabut pano mondok nggaʼberek werek kak, kit esigit dilugat dogoni o,” yiluk yogisasike.

Kit nen, E o, yuwogoluk kalok, E oat, yusak. Nen, Dek o, yuwogoluk kalok, Degat yusak o. Wene ninat mende omanggi lambeli lago kalok, Iblis obabut weyak mende etnogo nen kinakla nggagalko nggorlek yugun o,” yiluk yogisasike.

Esigit diluk yogisasikesik, wene omanggi men yogisasike, “Paganeat wene omanggi men yisuka, Kinilenggen kemelko kalok, onggo inilenggenat kemelusak. Nen, kinaik danggulko kalok, onggo inaik danggulusak, yiluk yisuka mende eti kinasuk koligogi o. Esigit diluk mende, an nen wene omanggi yi yokisak. Weyagat kinako kalok onggo yugup o. Kinelokonggen ebengge dambukogo kinako kalok, mbaikngge inomat kasuwagaluk wogosusagat o.

Eti paga, kinilenggen ebengge nen weyagat kinabusak kagat lago kalok, kemelogo laʼbiyano. Kebe abit kindu aikmo mbo laʼbagunogo nen, kemelogo laʼbiluk pelaknggeat werekma pano. Nen, kinggi ebengge nen weyagat kabusak kagat lago kalok, kinggi ebengge eti mbalogo laʼbiyano. Kebe abit kindu aikmo laʼbagunogo nen, mbalogo laʼbiyalok pelaknggeat werekma pano,” yiluk yogisasike.