Popular Bible Verses from Jɔ̃́ɔ́ 7

Deildu

Kà Gèɖèpɔ́ɔ̀-cèè-ɖɛ̀ɔ̀ nyuà cɛ̃ɛ kɛɛ, ɔ kɛà kɛ̀. Ɔ ɖá, ‘Nyɔ ɓě ɓɛ́ wa taɓa ḿ hwìɖǐǐɛɛ, nyɔ-fɛ̀ɛ̀-nyí-nì ɓě mu ɖé wa mú sɔ̀ùn.’ ”

Hwɔɔ̀ wé hwɛ̀ìn-gbɔɔ̀ mɔ̀ ma hwɔɔ̀ wé kpa ɖɛɔ̀. Ɓó wéa ɓaɖaa, Jízɛ̀ nyànà ma dyi, ké ɔ páná ma mú, ké ɔ ɖá, “Nyɔ ɓě ɓɛ́ ní-ná-tò nyu kɛɛ, wa mɛ dyi ḿ gbo, ɓɛ́ wa ké ní ná.

Jízɛ̀ cɛ̃ ma ɖɛa ɓá Zùù ɓɛ́ nyɔ ɓě taɓaà ɔ hwìɖǐǐ kéà ɓéɖéɛɛ jè dyí. Ɓó tia ɓaɖaa, Gèɖèpɔ́ɔ̀ séè ma Zùùɔ̀ tò ke, sepóɛɖé Jízɛ̀ séè ma dyií mu, ɓɛ́ ɔ ké ma dĩ́ín-dĩ̀ìn ɓéɖé ke.

Ɓěǐn ɖá ɓɛ́ ɓě ké ɖɛ ɖò wɔ̃ po ɓó kà ɓě nyuɛ dyéɛ kɛ, kɛɛ ɓě mɛ po ɖɛ wɔ̃ dyí-sɛ́ɖɛ́ìn-kà.”

Nyɔ mɔ̀ nyɔ wùɖùà ɖé ɔ mìɔùn nììn kpé múɛɛ, ɔ nì vɔ̃uń ɓɛ́ nyɔǔn-dyù ké ɔ ɓàìn. Kɛɛ nyɔ ɓɛ́ ɔ vɔ̃ ɓɛ́ nyɔǔn-dyù ké nyɔ ɖoɓoà ɔ kɛɛ ɓàìn nyɛɛ mɔ̀ jǎà-nyɔ̀. Ɖɛ se jǎà kɛɛ ɖò se ɖé ɔ mú nì.

Ké Jízɛ̀ cɛ̃ɛ ma wa gbo, ké ɔ ɖá, “Ɖɛ ḿ tɛ̀mɛ̀ìn kà nyɔǔn wɛ̃ɛ se ḿ mìɔùn mú sɔ̀ìn, kɛɛ ɔ sɔ̀ìn Gèɖèpɔ́ɔ̀ mɔ̀ nyɔ ɖoɓoà ḿ wɛ̃ɛ mú.

Ɓóɖó-kpàà nyɔ ɓěɔ̀ se ɓě mú nyɛ́ɛ ɓɛ́ìn, kɛɛ wa nyɛ́ ḿ mú, sepóɛɖé ḿ cɛ̃ɛ wa gbo tee kà ɓɛ́ ɖɛ ɓě ɓɛ́ wa nyuɛɛ mɔ̀ ɖɛ gbà kɛ.