Popular Bible Verses from Luku 7

Deildu

Mba yeenn bba m-pa mari: Tar majang laa kə̂ banya ɔru dɔɛ̂ tə̂ ngaa, mba ndiki laa bo nya. A dəw kə̂ dɔru tar dɔɛ̂ tə̂ tɛn baa, ndiki laa to tɛn baa tɔ.» Goe tə̂ a, n̂-pa narə dɛnɛ̂n le nan: «Tar majang ləi ɔru dɔi tə̂ ngaa.»

A Jeju pa arə dɛnɛ̂n le nan: «Mə-kunn ləi ajii. Aw kə mə-wul-lɔm.»

N̂-ddee nar go Jeju tə̂, mbɔr gɔlɛ̂ tə̂ naw nɔn narə maann-kəmɛ̂ nyɔm gɔl Jeju ngaâ n̂-bɔru gɔlɛ̂ le kə biin-dɔɛ̂. Nunda tɛɛ̂ gɔl Jeju tə̂ le ngaâ nungu yambo le gɔlɛ̂je tə̂ le.

Mba yeenn le tɔ â moo a, masə ta kaw rɔi tə̂ kə da-rɔm ang. A maji karə ə-pa tar kâra njaa a, nje-kula ləm a kaji. Mba əman, marə dəw aw ɔn dɔm ngaâ mɔn dɔ marə mbambaje tɔ. Bbo munn ndu marə marɛ̂ m-pa nan: ‹Aw!› A naw. Munn ndu marə marɛ̂, m-pa nan: ‹Ə-ddee!› A n̂-ddee. Munn ndu marə nje-kula ləm, m-pa nan: ‹Ə-dda nɛ̂n kə̂ be!› A n̂-dda.» Jeju oo tar le a, tar laa le dum dɔɛ̂ ddəm nəəle ddəm. N̂-turu rɔɛ̂ kə rɔ dəwje tə̂ kə̂ banya kə̂ aw unnje goe le ngaâ n̂-pa nan: «M-pa marəse, nangə tə̂ kə̂ Ijarayɛl njaa kara minga mə-kunn kə̂ be ang.»

Kar tə̂ənn njaa Jeju aji njê-rɔ-toje kə njê-mətəje ngaâ tubba ndilje kə̂ maji ang rɔ dəwje tə̂ nya nya, narə dəwje kə̂ kəmde tɔ nya nya ooje lo. Goe tə̂ a, n̂-pa narə njê-njaje go Jan tə̂ le nan: «Aw paje nɛ̂n kə̂ ooje kə kəmse ddəm kə mbise ddəm le arəje Jan. Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›