Popular Bible Verses from Jan 6

Deildu

Jeju pa arəde nan: «Əman, m-to mapa kə̂ aw arə təbbə dəw. Dəw kə̂ ddee rɔm tə̂ a, bbo a ddɛɛ̂ ndɔ kâra ang. Dəw kə̂ unn məɛ̂ arəm a, kunda maann a kɔɛ̂n ndɔ kâra ang.

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Jeju ilade tə̂ nan: «Kula lə Lubba to karə ooje məse tə̂ kə dəw kə̂ nulɛ̂.»

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Dəw kə̂ Bɔy kə̂ ulam ndasɛ̂ karə ddee rɔm tə̂ bba a ddee rɔm tə̂. Ngaâ ddutu ndɔ tə̂ a, mâ ndole.

Mba, mapa lə Lubba to ye kə̂ in darâ ngaâ aw arə təbbə dəwje kə̂ duninya tə̂.»

Əman m-to mapa kə̂ aw arə təbbə dəwje.

Jeju taa mapa le ngaâ arə wooyo Lubba. Goe tə̂ a, n̂-kayn dəwje kə̂ eeje tə̂ənn le. N̂-dda tokə baann kə kanjije le tɔ. Narəde tokə məde ndiki. Dusaje nɛ̂n le asəde a, Jeju pa arə njê-njaje goe tə̂ nan: «Ə-mbɔnje kəsə nɛ̂nje kə̂ naynje le, arəje nɛ̂n kâra nayn kə kɔrɔ̂ ang.»

Njê-njaje go Jeju tə̂ le yəlje tɔkə to le asə kilometere min wase misan a, dooje Jeju aw nja dɔ maann tə̂ aw ddee nɛ̂n kə tɔkə to tə̂ ləde le a, n̂-bbəəlje. A Jeju pa arəde nan: «Əman â nəənn, ə-bbəəlje ang.»