Popular Bible Verses from Jan 12

Deildu

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Dəw kə̂ ndiki təbbə laa a, təbbə laa le a nayn kə kɔrɔ̂. A dəw kə̂ oo təbbə laa dɔ nangə tə̂ nəənn to nɛ̂n ang, təbbə laa le a nayn kə lo-toe mba təbbə kə̂ to kə ndɔ kə ndɔ.

Tɔkɔrɔ njaa, m-pa marəse, bbo kandə-ko kə̂ to ble oso nangə̂ ngaâ oy ang a, n̂-nayn to kandə ble kə̂ kâra le njaa. A bbo noy a, nandə banya banya.

Əman, m-to lo-karɛ, m-ddee dɔ nangə tə̂ karə dəw kə̂ unn məɛ̂ arəm a, nayn lo ndul tə̂ ang.

«Bbo dəw oo tarje ləm, â bbo n̂-dda nɛ̂n kula ang a, əman â mâ gangə sariya dɔɛ̂ tə̂ ang. Mba m-ddee ta kaji dəwje kə̂ dɔ nangə tə̂, bbo m-ddee ta gangə sariya dɔde tə̂ ang.

Mari unn yambo kə̂ gatɛ̂ ngəng nya, kə̂ n̂-dda kə nɛ̂n kə̂ ria nan nar. Yambo le uwa kar ku. Nungu gɔl Jeju tə̂ ngaâ n̂-bɔru kə biin-dɔɛ̂. Bayn yambo le taa mə kəy le tɔyn.

Dede tɔyn njaa n̂-tije kam mburuje duwaje jide tə̂ ngaâ dinje mə bbe tə̂ le n̂-tilaje kəmɛ̂. Duruje əkii nan: «Jɔsuje gaji Lubba! Maji karə Lubba bbar tar kə̂ maji dɔ dəw tə̂ kə̂ ddee kə ri Əbbə-dəwje! N̂-to tɔkə mbay kə̂ Ijarayɛl!»

Jeju ilade tə̂ nan: «Kar kə̂ Lubba a piti nɛ̂n Ngonn lə dəw asə ngaa.