Popular Bible Verses from مزگینیا لوقای 14

Deildu

«ئەگەر ئێك ل دویڤ من بهێت و وی ئەز ژ باب، دایك، ژن، زاڕۆك، خویشك و برایێن خۆ، هەروەسا خۆ ژی، گەلەك زێدەتر نەڤێم، ئەو نەشێت ببیتە شاگردێ من.

ئەو كەسێ خاچا خۆ هەلنەگریت و ل دویڤ من نەهێت، نەشێت ببیتە شاگردێ من.

چنكو هەر كەسێ خۆ بلند بكەت دێ هێتە نزمكرن و یێ خۆ نزم بكەت دێ هێتە بلندكرن.»

لەوما هەر كەسێ ژ هەوە هەمی تشتێ هەیی نەهێلیت، ئەو نەشێت ببیتە شاگردێ من.

كی ژ هەوە ئەگەر بڤێت بورجەكێ ئاڤا بكەت، ل بەراهیێ ناڕوینیت و ژمێریاریا بودجا وێ ناكەت، كا وی تێرا تەمامكرنا وێ هەیە؟ نەكو بنیاتێ وێ دانیت و پاشی نەشێت ب دویماهی بینیت. ئەڤجا هەمی تەماشەڤان تڕانەیێن خۆ پێ بكەن و بێژن: ‹ئەڤی مرۆڤی دەست ب ئاڤاكرنێ كر و نەشیا ب دویماهی بینیت.›

لێ دەمێ تۆ خوارنێ چێدكەی، گازی هەژار، فاڵنجی، لەنگ و كۆرەیان بكە. هنگی تۆ دێ بەختەوەر بی، ژ بەر كو ئەو نەشێن قەنجیێ ل تە ڤەگەڕینن، چنكو د رۆژا رابوونا راستداران دا، دێ هێیە پاداشتكرن.»

خوێ یا باشە، لێ ئەگەر خوێ سویراتیا خۆ بەردا، دێ جارەكا دی ب چ هێتە سویركرن؟ ئەو نە ب كێر ئاخێ و نە ژی زبلی دهێت، دهاڤێژنە ژ دەرڤە. ئەوێ گو‍‌ھ بۆ بهیستنێ هەبن، بلا ببهیسیت.»