Popular Bible Verses from MATEO 21

Deildu

Jamajjeya ojjaña cua miquianaya mimianijo Eyacuiñajjinijje e'ejojonei ojo ejjashahuabaqui'yo nequi ohuaya cua miquiaa saña huisotii quiacaje— jamaya poa.

Jesosaa saja-acapoa cuana jama ba'a: —Eyaya e'ejojonei quiana esohui huohuiaña. Miquianaya e'ejojonei ejo jjashahuabaneiqui'yani jjabaquimajje beca jjashahuabaquime ejo po-ajjanei pomajje jiquio ecua eyaya acui higo nequi a'yonaje jama pea-aiya miquiaaya aje. Mahuisotii pojjeama quiaa aje. Miquiaaya jiquio nequi eyiyo jama ajje ba'a: “Jocuama nequiqui'yocue bae-ai enaojjohuasijje” miquiaa jama ajje oya cuamaya nequiquije'yo.

Queahuisoneecuana poquicapoa Jesosanijjetii. Ma ehuinei poquicapoacuana, ma o quiijje poquicapoacuana pea-ai oya esohui taaacapoquiapoa janobajjimanei jama ba'a: —Jiquio emeshimese Davidja osecua poeyanaje ejjabihuiaqui. Oya eseja Emeshimeseneija huoojea, Eyacuiñajjiya oya queapamenee ca-acahua. ¡Eyacuiñajji Eyajo nequi ejjabihuiaqui!

Jesosaa jama tecueame acacuanapoa ba'a: —Eyacuiñajjija esohui jama poani: “Jiquio equi-ai ecuea enijje emimipoquijji ani.” Miquiaaya caca oe siipojjicuana anijji anaje.

“Huohuiquicue Sión meshijo ba'ecacuana jama ba'a: Bacue, miquianajaya emeshimesenei poeje. Oyanei queaca'a poani jjabaquiajja. Jamajjeya oya mapichisho'ija edaasajo eanisohuaqui ani poeje. Mapichi aquiana dojojji poanija bacuaja edaasabiajje eanisohuaqui ani oya poeje” jamaya tehuecapoa.

Majoya Jesosaa huohuipea-aicapoa cuana jama ba'a: —¿A'a quianaja ajjima' so'o Eyacuiñajjija esohui etehue jaa? Jama poani ba'a: “Jiquio mei-ai equi-ai peeijji ebionei enequiasohua cajaa acanaje cuaa. Jamatiiya Eyacuiñajjiya onaja cajaa'ya oya mei-aiya ebionei equi peeijji nequiasohuaca'yonaje. Eseya baña jama queapamenee” jamaya yahuajonei etehue jaa ojaya esohui.

Jamajjeya eyaya quiana queaja'a huohuiaña. Yahuajonei Eyacuiñajji jjashahuabaquiapoa miquianaya oja meshiyasijje, ma ohua ojjañacuana huoojeacapoquianitiiyasijje miquianaya cuama epoqui'yojjijo. Jjeya ca quiana ca oe cuamaya epoqui'yojji pojjeama o sapo-ajja poanijjejojoya. Jamajjeya Eyacuiñajjiya ca peacuana jjeya baca'yani cuama epoqui'yojji joya oja esohuijo jjashajja-ajjaneiquipoquijecuanaya. Jamaya Eyacuiñajji sapoani.