Popular Bible Verses from मरकुस 8

Deildu

यतिकी जो यावारा तान जीव ऊळसोद चाहास्यान आव अदरी खोऊस्यान, लेकीन जो यावारा नान अदिक खुशखबरी इन साटी तान जीव खोऊस्यान, आव अदरी ऊळस्यान.

अगर मंळसा पुरा दुनिया अक हासिल माळुल अदिक तान जीव इन नुकसान आगगोळुल, रा आऊक येन लाभ आदीत?

यीशु भीळ इक तान चेलागोळ सांगुळ हात्‍ती कारूकु आंदुर से अंदुन, “जो यावारा नान हिंद बरोद चाहासतान, आव तान खुद इन इनकार माळुल अदिक आऊक दुख नेगोद बिद्दीत अदिक सायोद बिद्दीत आवा, तान क्रूस नेगुकु, नान हिंद आगुल.

मंळसा तान जीव इन बदला दा येन कोट्टान? जो यावारा ईद व्यभिचारी अदिक पापी जाती इन न्याड्या नान से अदिक नान मातगोळ देल लाजुस्यान, ना मंळसा अन पार याग पवित्र स्वर्गदूतगोळ सांगुळ तान आप्प उन महिमा अन्द सांगुळ बराईन, आग आव नान से भी लाजुस्यान आंदरी भी ना अपनुसाईन.”

यीशु आंदुर से केळदुन, “लेकीन नीव नानी येन अनतीर?” पतरस आऊक उत्‍तर कोट्टुन, “नी मसीह उध्दारक हुय.”