Popular Bible Verses from Kîam 17

Deildu

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Ndûgûcoka gwîtagwa Aburamu rîngî. Ûgetagwa Iburahimu nîûndû nîngaagûtua îthe wa ndûrîrî nyîngî.

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

“Nîngûrûtha kîrîkanîro nawe atî: we nîûgaatuîka îthe wa ndûrîrî nyîngî.

Nwatî Ngai nîwerire Iburahimu atîrî, “Naarî. Mûkaguo Sara nîagaagûciarîra mwana wa kavîcî na ûgaagatuîra rîîtwa Isaka. Nîngaavingia kîrîkanîro gîakwa nake wana njiarwa ciake tene na tene.

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Iburahimu nîwenamîrîrie ûthiû wake ûkîvutia nthî, na akîambîrîria kûtheka akîîyûragia atîrî, “Mûndûmûrûme wa ûkûrû wa mîaka îgana nwa agîe mwana? Sara nwa agîe mwana arî na ûkûrû wa mîaka mîrongo kenda?”

Ngai nîwerire Iburahimu atîrî, “Ndûgetaga mûkaguo Sarai; kuuma rîu agetagwa Sara.

Mûkaaruaga gîkonde Kîam îgûrû gîa ciîga cia ûciari na rûu nîruo rûkethagîrwa rûrî rûûri rwa kîrîkanîro gîakwa namue.

Nwatî nîngavingia kîrîkanîro gîakwa na Isaka, ûrîa ûgaaciarwa nî Sara mavinda wata mama mwaka ûcio wîngî.”

Twana tuonthe twenyu twa tûvîcî tûrî na ûkûrû wa mîthenya înana, wa vamwe na twana twa ngombo kana twa ageni tûrîa tûciarîrîtwe kwenyu tûkaarwithagua. Tûvîcî tuonthe tûkarwithagua rûrî rûûri rwa kwonania atî kîrîkanîro gîakwa nawe nî gîa tene na tene.