Popular Bible Verses from YOHANA 14

Deildu

Omorembe nabatigeire; omorembe one nabaeire; tinkoyobaa buna ense ekoyobaa. Timoichana ase chinkoro chiaino, gose timoba nobwoba.

Yeso akamoiraneria, “Inche ninche enchera, na ekeene, na obogima; monto onde tagocha ase Tata otatiga goetera asende.

“Timoichana ase chinkoro chiaino; momwegene Nyasae, nainche monyegene.

Korende Omokonyi, Omoika Omochenu, oyo Tata aratome ase erieta riane, ere naborokererie onsi, na kobainyoria onsi aya nabatebirie.

Oyore namachiko aane, na koyabwata, oyio nere onyanchete; ere oyonyanchete nanchwe na Tata one, na inche nimwanche na kweorokia asare.”

Naende inche ninsabe Tata, na ere nabae Omokonyi onde oyoramenye amo nainwe goika kare na kare, Omoika bw’ekeene. Ense etanyare komwancha, ekiagera temorochi, nonya nkomomanya. Korende inwe mwamomanyire, ekiagera namenyete amo nainwe, naende nabe ime yaino.

Kende gionsi morasabe ase erieta riane, ekio nangekore, erinde Tata abakwe ime ase Omwana. Komorasabe kende gionsi ase erieta riane, ekio ningekore.

“Komoranyanche namobwate amachiko aane.

Ase enyomba ya Tata nere nobomenyo obonge; onye taibo, anga nabatebia. Nkogenda nde kobaroiseria aase.

Kondagende kobaroiseria aase, ninchiche naende, nimbaroisie asende, erinde asende inche, nainwe mobeo.

Tomas akamoboria, “Omonene, titomanyeti aase ogochia, naki toramanye enchera?”