Popular Bible Verses from OMOCHANKO 6

Deildu

Ase ayio Omonene ageitia, ekiagera atongete mwanyabanto ase ense, agaichana ase omoyo oye.

Omonene akarora ng’a obobe bwa mwanyabanto nobonge ase ense, na kera okoroberia na okorengereria gwe chinkoro chiabo nokobe botambe.

Korende Nuhu akanyora ogwancherwa ase obosio bw’Omonene.

Oyo noro omoroberio bw’ororeria rwa Nuhu. Ere nigo arenge omonto omoronge na omoikeranu ase ekiaare kiaye; ere akaba ogotaara amo na Nyasae.

Erio Omonene agateba, “Mwanyabanto abwo natongete nimbarusie ase ense, gose tari mwanyabanto boka, korende ne ching’iti, na echi kwagura, ne chinyoni. Neitirie ekiagera natongete barabwo na chirochio.”

Mwanyabanto bakagenderera komentekana ase ense, na abana abaiseke bakaiborwa asebare. Abamura ba Nyasae bakarora abaiseke ba mwanyabanto ng’a nigo baare nebieni ebiya, bakenyuomeria ase ogwechorera onde bwensi baganetie. Erio Omonene agateba, “Omoika one tokonyara komenya ime ase mwanyabanto kare na kare, ekiagera ere nomobere ogokwa. Ase ayio emiaka yaye nigo erabe rigana erimo na emerongo ebere yoka.” Ase engaki eyio, na kogenderera, amamonto namenyete ase ense, ekero abana abamura ba Nyasae baare konyuoma abaiseke ba mwanyabanto na konyora abana. Abwo nabwo barenge abanto chituoni, baare gotogigwa agwo kare.

Naboigo Nuhu akorete; agakora ayio onsi Nyasae amochigete.

Erio Nyasae agatebia Nuhu, “Narorire ng’a ninkoore okobao kwa mwanyabanto bonsi, ekiagera baichoirie ense obotindi na oboregani, nimbasirie amo nense.

Ekorere obwato obonene bw’emete y’ebirobo; obonachane ime ebinyomba, na oboome eramu ime na isiko.

Nyasae akarora ng’a ense yasarekire, ekiagera kera omonto obwatirie chinchera chi’obosareku ase ense.

Na orente ase obwato ime ching’iti, na chinde chionsi chire moyo echia kera egesaku, ibere ibere, chinsacha ne chinkungu, chibe moyo amo naye.