Popular Bible Verses from Matie 5

Deildu

Ta zo ndozɔ mɔinda ya, akpã na gbɛ ta ma. Kanda andozɔ ni ya, akpã na ndo mɛsa, ko azi zu mɛ ka ya da ahũ na ndo. Ĩ du nga ma mɔinda mɛ ndoza, na lo ni ko, ĩ lengbi ti vurungɔ na ndo, wa se azi ahũ nzɔ̃ ye mɛ ĩ ndoli ko, ala gonda To ĩ mɛ ka yayu.”

“Ĩ la ĩ du awa vurungɔ na ndo na lo tɛ azi ti lɛ sese. Kɔdɔrɔ ko la na ndo hɔtɔ ko, ta kɔdɔrɔ ni ndohɔndɛ tɛrɛ lo ma.

“Dengɔ bɛ ati na azi ko la bɛ la vuruni, Ta sanga ma, ala hũ gbanda Nzapa na lɛ la!

“Dengɔ bɛ ati na azi ko la ndodu na gwɛ̃ ti lingɔ ye na seni, nga ma se mɛ Nzapa aye, Ta sanga ma, Nzapa na hɛ̃ngɔ lege hɛ̃ la ya, ala li ni ma wo ma na seni!

Ko mbi pa tɛ mbi hɛ̃ ĩ ya, ĩ ye awa kɛ̃ngɔ ĩ, ĩ sambela na lo tɛ azi mɛ ndohɛ̃ ĩ pɛnɔ.

“Dengɔ bɛ ati na azi ko la ahĩnga ka ya bɛ la ya, ani awa yɛlɛ ka lɛ Nzapa, Ta sanga ma, Kɔdɔrɔ Gbia tɛ Nzapa adu kɔdɔrɔ tɛ la!

“Dengɔ bɛ ati na azi ko la ndokpã mangbingɔ na popo tɛ azi, Ta sanga ma, Nzapa na ilingɔ la ya, ala aya ni!

“Dengɔ bɛ ati na azi ko la na vundu, Ta sanga ma, Nzapa na vɔrɔngɔ bɛ la!

“Dengɔ bɛ ati na azi ko la azi ndohɛ̃ la pɛnɔ, na lo ti ye mɛ ala ndoli na seni, nga ma se mɛ Nzapa aye, Ta sanga ma, Kɔdɔrɔ Gbia tɛ Nzapa adu kɔdɔrɔ tɛ la!

“Dengɔ bɛ ati na azi ko la ndoma vundu tɛ afɔ̃ la, Ta sanga ma, Nzapa ama nga gbanda vundu tɛ la!

“Dengɔ bɛ ati na ĩ, bɛ se azi aguru ĩ, ahɛ̃ ĩ pɛnɔ, akara nga ló tɛrɛ ĩ, na lo mɛ ya, ĩ ava mbi! Ale ĩ saba, ĩ du na dengɔ bɛ, ta sanga ma, kota mbana gɛrɛ ĩ ndoku ĩ ka yayu. Se mɛ ndo nga ahɛ̃ na pɛnɔ hɛ̃ awa pangɔ nyɔ Nzapa mɛ ndo uzu tɛ ĩ la.”

“Dengɔ bɛ ati na adede azi, Ta sanga ma, Nzapa na sunungɔ la, nga ma se ko ndo lo ko na kapa hɛ̃ la!

“Ĩ la ĩ du nga ma hĩngɔ tɛ azi ti lɛ sese, kanda se sɔngɔ ti hĩngɔ awɛ ko, ta kɔdɛ mɛ ya, hĩngɔ ni ati sɔ da ma. Ta hĩngɔ ni ti dɛ na kwa kɔi ma. Alengbi bo ti sangɔ ni gegi, ko azi adɔ nɔ ti ndo ni aɔ.

Ale ĩ du abɛta anzɔ̃ azi, ko ĩ du kwɛ kɔi nga ma se tɛ To ĩ mɛ ka yayu.”

Ale ĩ nɛ bo ndũ ya: ‘Ĩi’, bere ‘Ipɔ’, ta ĩ nyɔ ngɛ na ndo ni ma, ta sanga ma, ngɛ adu ye mɛ alo ka tɛ Satana.”

“Ĩ ma ndo apa ya: ‘Kiri kiri nyi ngasã, se fɔ̃ mɔ ao lɛ mɔ ko, o nga lɛ lo, se lo ko tɛ̃ mɔ ko, ko nga tɛ̃ lo.’ Ko mbi pa tɛ mbi hɛ̃ ĩ ya, se azi ali ĩ siɔni ko, ta ĩ gɛ̃ kula ni ma. Se zo abà ma mɔ ti kɔti ko, ye mbageni hɛ̃ lo, lo ba nga.

Se adu na lo ti lɛ mɔ ti kɔti la mɔ ndoli siɔ ye ko, hã ni mɔ bi yɔngɔrɔni na mɔ. Adu nzɔ̃ni na lo tɛ mɔ ya, mbanga pɛnzɛ tɛrɛ mɔ kɔi agere, aɔ omɛ mɔ du na ngbonga tɛrɛ mɔ zu, ko abi mɔ na ni zu ka lifɛlo. Se adu na lo ti kɔti ti mɔ la mɔ ndoli siɔ ye ko, fa ni mɔ bi yɔngɔrɔni na mɔ. Adu nzɔ̃ni na lo tɛ mɔ ya, mbage ti mɔ kɔi agere, aɔ omɛ mɔ du na ngbonga tɛrɛ mɔ zu, ko mɔ gwe na ni ka lifɛlo.”