Popular Bible Verses from Amatiyu 5

Deildu

Arekyeŋ a la a ta ovo emgbuovo nga, a shri atku a shum lo mbo. Ambo a la a shri emgbuovo lo a shri a zga ambgu okyku o da ayimom a tra aku lo. Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

Agimi e wo eka ayimom angyiŋ obiŋ hi. Odne ba moa a mbdzi lo akũ ongyeŋ o ghre o gbu mbo.

Oraŋ o wo ma okyku moa la a wo la esõ pse, okyku eshi moa á ka Ahogbrẽ!

Oraŋ o wo ma okyku moa la a shri esõ mo a zga okyku o kpo ayakplo ba Ahogbrẽ a klo, okyku eshi Ahogbrẽ á shri ekployaŋ a mbo á shri á da mo!

Ambo, ohuhuhi ame e lu e da gimi, agimi e klo moafpu gimi, nga e fa olu e tne aga moare la a la a kpo gimi efye

Oraŋ o wo ma okyku moa la a yi ba moa a sheŋ anye, okyku eshi Oreŋ Ongyeŋ o wo o mo angyiŋ!

Oraŋ o wo ma okyku moa la a shri onyuŋokpo a shri a zga agʼbaha moarehwĩ, okyku eshi Ahogbrẽ á bzi moahi lo moanwye baŋ!

Oraŋ o wo ma okyku moa la a la a gbu ogbrẽ, okyku eshi Ahogbrẽ á gbu mo esõ obiŋ!

Oraŋ o wo ma okyku moa la a la a kpo ewu okyku moa a kpo ayakplo ba Ahogbrẽ a klo, okyku eshi Oreŋ Ongyeŋ o sheŋ o wo o mo.

Oraŋ o wo ma okyku moa la a ka moahwõ ayiekŋe, okyku eshi Ahogbrẽ á ka mo a mbo ayiekŋe!

Agimi e gno oraŋ angyiŋ omba ba moare a la a dzĩ gimi, nga a la a kpo gimi efye, nga a la a sheŋ akpro a ghwo gimi okyku bimi e lu me ma. Agimi e kpo ovye, nga e gno oraŋ, okyku eshi egbre egagre e wo ma Ongyeŋ okyku gimi. Moare a kpo pa la moarehwĩ ba Ahogbrẽ a hom mo otum a mbo ekakahelo angyiŋ omba la o sheŋ o gre mi.

Oraŋ o wo ma okyku moa la a wo la esõ ble-ble, okyku eshi moa á hwiŋ ekplo ba Ahogbrẽ a hwim okyku mo!

Agimi e wo eka eŋe angyiŋ obiŋ hi. O wo ba oraŋ o kpu eŋe le, moa á kpo á gbu moa a bla a shri oraŋ lo a shri a ghwo ma nga mbo. E wo owlama nga mbo, okyku eka he moa á shri lo á ygi a bi, nga moa á pre lo adga.

Agimi e bli shasha, eka ba Adigimi la a wo Ongyeŋ a bli shasha.

Agimi e bmi, o mbo le e tla, nga o khwo. O wo bimi e klo elomkyeŋ nga le, Areabi lo angyiŋ a da gimi e la e lu a mo.

Agimi e sheŋ e gno eka ba moa a lu mi le, Arekyeŋ a kpo ŋo akplokyeŋ le, aŋo o kpo ŋa ma! Ambo ohuhuhi ame e lu e da gimi, arekyeŋ a ta ŋo ezhim le, aŋo o ta ŋa ambgu. O wo ba arekyeŋ a sheŋ ŋo obgo agba ba obgori le, aŋo o zhiŋ agba ba obgoehre o ta ŋa ma.

Okyku eka he, o wo ba eyi boŋ ba obgori e la e doŋ o kpo odlobi le, aŋo o gʼbu lo o shri o ta a bi! O wo odzi o gre boŋ o gbaŋ okro okyekyeŋ sha egʼba boŋ, o sku boŋ o yi enzheovo la ango egʼba boŋ pyeŋ. O wo ba obgori boŋ o la o doŋ o kpo odlobi le, aŋo o kplu lo o ta a bi! O wo odzi o gre boŋ o gbaŋ okro okyekyeŋ sha egʼba boŋ, o sku boŋ o yi enzheovo la ango egʼba boŋ pyeŋ.