Popular Bible Verses from SALMO 1

Deildu

Ñukanchikuna mana sakra runakuna willawananchikunata kasushpanchikuna kushikushpa kawsanchisapa. Mana uchallikuk runakunashina kawsashpa mana uchata rurashpa kawsashpanchikuna kushikushpa kawsanchisapa. Mana Tata Diosta asichik runakunapa yuyanankunata rurashpanchikuna kushikushpa kawsanchisapa. Tata Diospa rimananta kuyashpanchikuna tutapi diyapi chay rimananpi yuyaykushpa kushikushpa kawsanchisapa.

Chashna Tata Diospa rimananta kuyashpanchikuna yaku mañanpi tarpudu kaspishina allimata wiñanchisapa. Wayuchakunan tiempu aypata wayuchakuk kaspishina kanchisapa. Aypa allima pankayuk kaspishina kanchisapa. Chayrayku tukuy ima rurananchikunata allita ruranchisapa.

Tata Dios alli rurak runakunata kuydansapa alli ñanta purikshina allita rurashpa kawsanankunapa. Tukuy uchallikushpa kawsak runakunata Tata Dios sukaman kastigankasapa.