Popular Bible Verses from Yn. 4

Deildu

Wele ali Roho, ne abo bamusaaya khukhwola bamusaaye mu Roho ne mu bung'ali.”

Ne kakhali esaa elikho yiicha mala niyo yino, khubirira mu maani ka Roho owa Wele babaandu bakhasaaye Paapa nga ne ali, bakhamusaaye niye mu bung'ali nga enya.

ne kakhali yesi yesi onywa kameechi niko khamuelesie, se aliba ne bulesia lundi tawe. Kameechi niko ndamuelesia kalaba emoni eye kameechi ke bulamu mu niye, mala kalamuelesia bulamu bwa mindali.”

Yesu amukobosia ali, “Abanga omanyile nisio Wele aananga ne khumanya naanu olakhusabanga ewe kameechi, andi omusabile mala akhuelesia kameechi ke bulamu.”

Yesu ababoolela ali, “Siakhulia siase sili khukhola lilienya lioyo owanduma ne khumala kimilimo nikio ambelesia khukhola.

Omukhasi chana aloma ali, “Omwami, se oli ne sisiindu sie khutailamo kameechi tawe, mala liloo lie sebele lileeyi. Olanyoola waena kameechi ke bulamu ako?

Omukhasi oyo amuboolela ali, “Ese manyile ndi Kristo akheeche, ne nga akheeche alikhuboolela koosi.” Yesu amukobosia ali, “Niise, olikho olomaloma ne nawe.”

“Yiicha mubone Omundu oumbooleele buli siindu nisio nakhola. Sanyala aaba nali Kristo tawe ku?”