Popular Bible Verses from GÉNESIS 24

Deildu

Chaipi servic runa Diosta mañashpaca: «Ñuca amo Abrahamta Mandac Dioslla, alli tupangapac ayudai, ñuca amo mañashcatapish llaquishpa uyaiyari.

Ñuca maijan solterata: “Ñucaman yacuta ubiachingapac puñuta uricuchi” nicpi: “ubiailla, shinallatac cambac camellocunamanpish ubiachishami” nic soltera canta servic Isaacpac huarmi cachun. Chaita ricushpami, can ñuca amo mañashcata llaquishpa cuc cashcata yachac chayasha» nirca.

Chai quipami Isaacca Rebecata paipac mama Sara causana carpa huasiman pushashpa, paihuan cazararca. Isaacca Rebecata mai cuyashpaca, paipac mama huañushcamanta llaquilla cashpapish cushillami tucurca.

Rebecata bendiciashpaca: «Pani Rebecalla, huaranga huarangapac mamami tucungui. Cambac huahua huahuacunaca piñaccunataca mishashpa, llactacunata japinga» nishpa cacharca.

Ñuca causacuc cananeocunapac ushita ñuca churipac huarmi cachun mana apamungapac jahua pachata, cai pachata Mandac Diospac shutipi ari ni. Ashtahuanpish ñuca causana llactaman rishpa, ñuca aillupuramanta apamungapac ringui— nirca.