Popular Bible Verses from Lukas 7

Deildu

Va nitai ineigki, ek asaig ehelum ainyak mika, Eh mun iknipagki nedo has is ahinag o un; va nedo ineigki et aiyu alupas inliinmopon aien vai nyak; aien er iknipagki nedo has eti elpat o un, et aiyu tintin inliinmopon aien vai nyak. Is ika ehelen aien, Eh mun iknipagki nedo has unyum.

Is ika ehele intakata aien, Eh mun imyiatamaig euc va nimyiisjis ninivaijec unyum; atga unyum aiek an neigpa.

is aiji u neduon aien an nidjin, um taig, um yiri neduon irai idi imtan, um yiri mese irai umri idjinin, um ajumnyi neduon, um aspi an nitai aspi iyehki.

ek idim ika ainyak, ek eti upene ainyak napamvaig ehelum: namu tup asan tas ache aiek, etum umoh a naheca unyak: ek aheca ainyak, eris ati nyak, ja era imyiaiji intas unyak a ilpu eucsupo: ek ika ainyak ehelen et ethi, Apan aiek, et um apan aien; im lep ehelen et eche, Apam aiek, et um apam aien; im lep ehele naheca unyak, Ago nitai ineigki aiek, et um ago aien. Is wat atahaijeg intas ineigki a Iesu, is imyiali yin aien, um ahidai yin, um ika ehele ilpu atimi ahced yin, Ek asaig ehelemia ainyak mika, kis eti ecetai tah nimyiisjis ninivaijec esjilid ainyak, et idivaig ineig, an pece Isreel asega.

Is um ago cehcehe atimi is ahinag aien an nuarin-nadiat iyehki va nauatialidi ira ra, im nemehe has, im ilpu agelo has; um ago lah nesganimta atimi is ahinag is aupat nesganimtara. Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau mun almoi aijaurau um atahaijeg vaig; nikavaig, et lep lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi lepros, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intasupene ehele ilpu ihki atimi.