Popular Bible Verses from Yahya 6

Deildu

Nakua omo Puang Isa, “Aku'mo kande to mben katuoan tolino. Ia to toratu lako Aku', te'da tarruhmo nalatangbarah. Ia to tomatappa' lako Aku', te'da tarruh toomo nalamawakke.

Roh Allataala to naputuo tau. Te'da lalo pakullena to tolino. Ia tee kada kupauan kamu', iamo kadan-Na Roh Allataala to mpangben katuoan.

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Na pakkaeloran-Na too, to kumua ia to tonnissenmi kumua Aku'mo Anak Allataala nakatappa'ina', la ntarima katuoan melo te'da cappa'na, na la kupatuo pole' ke Kiama'mi lino.”

Mebalii Puang Isa nakua, “Iamo tee to nakadoangngi Puang Allataala jio mai kalemi: la matappa' kamu' lako kale-Ku' kumua Aku'mo to nasua Puang Allataala.”

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Moi mesa' tau te'da ngkullei ratu lako Aku', ke te'da na Ambe'-Ku' to ssuana' mpupembalikki to penawanna. Na ia to toratu lako Aku', la kupatuo pole' ke Kiama'mi lino.

Na ia to kande napangben Puang Allataala, Aku'mo to mellao jao mai suruga, na mpangben katuoan melo te'da cappa'na lako tolino.”

Aku'mo kande to mpatuo tau.

Naalai Puang Isa joo roti, namangkurru sumanga' lako Puang Allataala. Mangkai joo too natawa-tawanmi tobuda joo roti, namane' ntawa-tawan tooi joo bale, nakumande to tau sabarahna. Ia tonna barahmo to tau, nakuamo Puang Isa lako anak gurun-Na, “Rempunni to torrona, danggi' nasajang.”

Agimo lima iarika annan kilo nanii manglopi, mane'ri ngkitai to Puang Isa lumingka jao wai mpendete'i to lopinna, anna silajatan to anak gurun-Na. Apa nakua Puang Isa ngkuanni, “Ee, danggi' mimalaja'! Aku' tee.”