Popular Bible Verses from Luù 18

Deildu

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

Weètii niŋ gò gongò kɛ̀ wò Dayà do nàŋ gbàì e tɔ̀ɔ̀nyaàŋ sùà wèè àŋ yè nyaŋ wò naŋ tàeɗùù yèè àŋ zoolàuŋ dùùm yèè maŋ gɔɛɛ nyàŋ? Wò do nàŋ dɔɔnɔ̀ŋ wèè wo nyiŋ kpuumàŋ? Miŋ woòiŋ, wò do nàŋ gbaì weè nyiŋ e tɔ̀ɔ̀nyaàŋ sùà yèè wò do niŋ nàŋ nyɛ̀nɛ̀ŋ fiò. Kɛɛ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e ɗuunyaàŋ lɛɛ̀, mìŋ doo nàŋ mɛ̀ɛ̀ŋ wo nyuùŋ kɛ̀ɛ̀nɛ̀ŋ hààwe gbiŋ?”

Wo Jisɛ̀ naŋ fasàì wààŋ, “E nɛ̀ɛŋ anyuùŋ kpùuŋ fè ɓɛ̀nɛ̀ŋ nyɛ̀nɛŋ lɛ̀, e gò nyìngà wèè wò Dayà.”

Wèè e teenga mùnlaŋ wo kana gbàì keìɔ naŋ gè maŋhɛɛ wèè wo nyɛ̀nɛ̀ŋ e nɛ̀ɛŋ wo nìeɔ̀ manaŋ wa lɛ̀. Kɛɛ ko diemeì wò naŋ wòò koɓɛ̀ wuŋ biì wààŋ, ‘Jòòpɛɛ miŋ fè dùàŋ Dayà ɔ̀ɔ̀ miŋ kuwà è ɓɛ̀ɛ̀jàa wèè ànyùùŋ gbiŋ, kɛɛ wèè esàɓù e mɔ̀ɔ̀nɛɛ̀ŋ kinɛiŋ wo jɔ̀ùnèèdàà wɛɛ̀ yààìm kìɛ̀ŋ sùà lɛ, mìŋ douŋ nàŋ kpuumò wò yɛ̀mɛ̀ e tɔ̀ɔ̀nyaàuŋ nɛ̀. Sèè mìŋ go niŋ nyɛ̀nɛ̀ŋ, wò do nàŋ nɔ̀ŋ hìnìè ko nɛ̀ɛ̀ŋ miìŋ keleiŋ, kpeiŋ ko diemeì, wò doim nàŋ nyɛ̀nɛ̀ŋ ka yɔkpɔ̀.’ ”

Mìŋ yààìŋ wòò sùà e tɔɔɓaaà kɛ̀, wo nyùnɔ̀ɔŋ gbiŋ gò jɔ̀ɔ̀lɔ̀ è Kànà Dayàa dìì mààŋ wò jɔ̀àkàiŋ wɔ̀, julɔfɔ wo fè nàwèè kà è kanauŋ nɛ̀ sùà.”

Kɛɛ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Dàngeìŋ aŋ jɔ̀àkàiŋ jɔa nyàŋ aŋ hnàŋ ko nɛ̀ɛ̀ŋ miìŋ, ɓɔ̀ nìŋ kilià nyiŋ kùàŋ feìŋ, esaɓù kɛ̀ e Kànà Dayàa è yaà wèè anyùùŋ mààŋ nyɛɛ̀ŋ.

Wo Jisɛ̀ nauŋ woò wààŋ, “Kɛ̀ yɛ̀mɛ̀ dìì. E hààwe mɔ̀ɛ̀ èum joeyè.”

Wo Jisɛ̀ nauŋ woò wààŋ, “Wèè kiìŋ mùŋ naim nyààŋ wo nyuùŋ sìàŋ? Wo nyùùŋ gbiŋ siàŋ sɔɔ̀ nɔŋ wo Dayà wuŋ guùŋ.