Popular Bible Verses from Luù 11

Deildu

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ wò Jìnàŋ Nɛɛmaàŋ kòɓɛ̀ ànyùùŋ nyaŋ dawàuŋ nyaŋ?”

Weètii tɔ̀ miŋ woòiŋ, dàweìŋ wo Dayà wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ, kàmeìŋ koɓɛ̀i wo Dayà yaà lɛ, nìŋ douŋ nàŋ mɛɛ̀ŋ, kpùlaìŋ wɔŋ gbemgbeeɔ̀ koɓɛ̀i wo Dayà yaà lɛ, wò do wuŋ nàŋ yilè weèiŋ.

Esaɓù kɛ̀ wo Dayà dò nàŋ kìɛ̀ŋ anyùùŋ nyaŋ dawàuŋ wèè manɛ̀ŋ nyaŋ. Wò do nàŋ kìɛ̀ŋ manɛ̀ŋ koɓɛ̀ anyùùŋ nyaŋ kamàŋ mìŋ nyaŋ, e kìlà wò do nàŋ yìlè wɔŋ gbemgbeeɔ̀ wèè anyùùŋ aŋ yɛ̀mɛ̀ manɛ̀ŋ maŋ àŋ zoolà weè miŋ màŋ.

Wo Jisɛ̀ naŋ nyiŋ woò wààŋ, “Sèè nìŋ nɔ̀ŋ zoolo, tɛɛ̀ nìŋ woà, ‘Dèda, tɔ̀ e dèè nɛɛmaŋ mɔ̀ɛ̀ nɔ̀ŋ jòòwo niŋ. Tɔ̀ e Kana mɔ̀ɛ̀ hnàŋ

Jùùyaà wi hakɛ̀ wèè maŋ keì naanààŋ maŋ è naiŋ nyɛ̀nɛ̀ŋ maŋ, màànààŋ nɔŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ jàà wì maŋ. Ɓɔ̀ mùŋ koà wi è wàa nyìnga dìì.’ ”

Kìɛ̀ŋ wi e nɛ̀ŋjè nyaàŋ wilɛ̀ ke ɗɔɔ gbiŋ.

Le fɛɛ̀ mɔ̀ɛ̀ è yaà mààŋ e laumpò wèè ke kpùnaŋ mɔɛ̀ŋ. Sèè le fɛɛ̀ mɔ̀ɛ̀ è nɔ̀ŋ sengei, e gbolòùŋ doum nàŋ kiliè nààŋ mùŋ manaŋ lɛ̀. Kɛ̀ɛ̀ sèè le fɛɛ̀ mɔ̀ɛ̀ è go nɔ̀ŋ sengei, ke kpùnaŋ mɔɛ̀ŋ do nàŋ nɔ̀ŋ ke nyìwì sùà.

“Wo nyùùŋ gbiŋ fè sìà è laumpò kpeiŋ wo niŋ nyɛɛnɛ̀ŋ ɔ̀ɔ̀ wo niŋ hòà wɔ̀ŋ pòum dìì. Wò jàa niìŋ koɓɛ̀i e laumpòɛ jaà lɛ wèè e kìɛ̀ŋ anyùùŋ nyaŋ jɔ̀à ko saaìŋ nyaŋ e gbolòùŋ.