Popular Bible Verses from Jɔ̀ɔŋ 16

Deildu

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Kòò nìŋ dàwè wò Dayà wèè wo nyɛ̀nɛ̀ŋ è nɛ̀ŋ gbiŋ weèiŋ è teenga lɛɛ̀ sùà kpɛlɛɛ, kɛɛ kùùno nùuŋ naàŋ dàwè wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀ e deè mɛ̀ diɛŋ. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ, wèè kɛ̀ niŋ nɔ̀ŋ e zɔlɔ̀ gbee sùà.”

Kɛɛ mìŋ yààìŋ wòò sùà e tɔɔɓaaà, è yaà tɛ̀ɛ̀ wèè ka kà koɓɛ̀ Dèda miɔ̀ŋ, sèè mìŋ go ka, wo nyuùŋ kpùùmaàŋ, wo Jìnàŋ Nɛɛmaàŋ naàŋ hnè wèè woiŋ kpuumàŋ. Kɛɛ sèè mìŋ kɔ̀à, mìŋ do nàŋ tùɔ̀ŋ wo Jìnàŋ Nɛɛmaàŋ ko nɛ̀ɛ̀iŋ niìŋ. Wo nyùùŋ bà gbiŋ e ɗuunyaŋ lɛɛ̀ wòim ɓɛ̀nɛ̀ŋ wòo kɛ̀ kiìŋ nàŋ yaà maŋ jùumù? Kɛɛ sèè wo Jìnàŋ Nɛɛmaàŋ wò hnàŋ, wò do nàŋ wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ e nyaàiŋ dè maŋ jùumù nyiŋ màŋ, e tɔ̀ɔ̀nyààŋ Dayàa yèè e kitiuŋ nɛ̀.

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà. “Sèè e teenga lii haì wa nàwèè, niŋ naàim ɓɛìŋ dawè wèè è nɛ̀ŋ gbiŋ. Miŋ woòiŋ e tɔɔɓaaà kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Tɔ̀ miŋ woòiŋ e tɔɔɓaaà kɛ̀, nìŋ do nàŋ gòlò yèè ke nyowo keiŋ nyɛ̀nɛ̀ŋ, kɛɛ anyùùŋ nyaŋ e ɗuunyaàŋ do nàŋ gè zɔlɔ̀. Jòòpɛɛ nìŋ do nàŋ nɔ̀ŋ ke nyowo sùà, kɛɛ eɓìèmàŋjɛ̀wɛ̀ ke nyowoiŋ nɛɛ̀ŋ kè do nàŋ kìlè e zɔlɔ̀.